[lojban] Re: lu le xirma li'u zo'u xebro kulnu xajmi bo lisri

[Michael Turniansky <mturniansky@gmail.com>]

On Tue, Feb 1, 2011 at 11:15 AM, Michael Turniansky
<mturniansky@gmail.com> wrote:
> puzuki  lo gugdrpolska tcadu cu se xabju lo prije brojdaja'a
>
> ni'o ca pa nicte lo litru vecnu cu klama lo zdani be le brojdaja'a .i vy
> cusku lu .ai doi brojdaja'a mi mi ba catra li'u
>
> .i le brojdaja'a kixsku lu .ainai se'inai ma mukti lo nu do palci pensi lo
> si'o go'i li'u
> .i vy cusku lu lo nu go'e cu zmadu lo nu mi ba xagjymrobi'o kei lo ka xamgu
> .i ca lo cabdei lo mi xirma pu mrobi'o .i mi na kakne lo nu gunka secau lo
> xirma  li'u
>
> .i by cusku lu u'ose'inai la cevn. ba dunda fi do .i ca lo cabycte ti'u li
> no ko mi penmi lo xirzda po le nobli li'u
>
> .i lo vecnu na jimpe fi lo le brojdaja'a ku mukti .i ku'i vy. tinbe klama lo
> xirzda po le nobli ti'u li ba'e no .i lo brojdaja'a cu kansa klagau vy pa lo
> xirma stuzi gi'e minde vy. lo nu lebna lo melbi je blabi nakyxi'a noi sanli
> bu'u sy.
> .i vy. cusku lu .iicai mi na kakne lo nu zukte .i le nobli ba gasnu lo nu mi
> se dadycatra li'u
> .i by. cusku lu ko na xanka .i ko lebna le xirma gi'e panpi cliva li'u
>
> .i ca lo pu cedra no da na'e tinbe lo brojdaja'a .isemu'ibo lo vecnu cu
> gasnu tu'a lo te minde be vy.
> .i ba lo nu vy cliva kei le brojdaja'a cu vreta ne'i le xirma stuzi gi'e
> sipna
>
> .i ca lo bavlamcerni le nobli kujoi lo ri xirbrupre cu klama sy. .i va'o lo
> nu ny. viska le nanmu noi sipna bu'u le loldi kei ra tikpa by. gi'e kixsku
> lu .oi doi do do mo .ije ma se zvati lo po mi xirma li'u
>
> .i lo brojdaja'a cu zutse gi'e se mosra fi lo kanla be by. .ibazibo by.
> suksa sanli gi'e lafti lo xance fa'a lo tsani gi'e kixsku lu ki'e la cevn.
> noi zbasu le munje li'u
>
> .i le nobli cukixsku lu ma se zukte .i ma se zukte .i do mo .i ma se zvati
> lo po mi xirma li'u
> .i le brojdaja'a cu cusku lu xu do na jimpe lo du'u ba'e mi pu du lo xirma
> po do .i puzaku mi misno tadycre .i ku'i ca pa nicte mi randa la palci bapli
> gi'e vitke lo gleve'u .i la pamei censa mi jai galfi lo po do xirma .i mu'i
> lo za'i mi tcedri kei mi xenru gi'e ze'u ceicpe  lo za'i se fraxu .i lo se
> ceicpe nau se tirna .ije mi se galfi fi lo remna ki'e la cevn. noi zbasu le
> munje li'u
>
> .i le nobli cu lijda nanmu gi'e sinma lo ceirselmanci .iseki'ubo ny. ji'a
> kixsku lu ki'e la cevn. noi zbasu le munje li'u gi'e curmi lo nu le
> brojdaja'a cu cliva
>
>
> ni'o ba lo jeftu be li so'o   le nobli cu carce selbei fu lo tcadu
>
> .i ny. suksa viska lo nu le vecnu cu selyli'egau lo ny.   melbi je blabi
> nakyxi'a
>
> .i ny plipe fi le carce gi'e bajykla lo mabru gi'e vlile darxi ri fo lo
> zargu fi lo ny selbei grana gi'e kixsku lu doi palci
> o'onaisai doi nalckire do za'ure'u vitke lo gleve'u li'u
>
>                --gejyspa
>

  My apologies. Upon rereading, I relaize I left out a phrase:
"i la pamei censa mi jai galfi lo po do xirma"-> "i la pamei censa mi
jai galfi lo po do xirma _fi'o tersfa lo nu go'i_"  I hope everyone
assumed that anyhow...
      --gy

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.