Re: [lojban] sivni jikca

[Stela Selckiku <selckiku@gmail.com>]

On Sat, Jul 9, 2011 at 10:05 PM, Robin Lee Powell
<rlpowell@digitalkingdom.org> wrote:
>
>> ni'o drata casnu bo tadji
>
> tadji ki'a ru'e

.ua nai ru'e .i zo tadji slabu do .i zo tadji cafne se pilno gismu .i
lo tadji cu pruce fi lo se tadji va'o lo te tadji .i ta'u lo drata cu
tadji lo snada .a'o nu casnu kei lo za'i ma'a tavla fi zo sivni joi zo
mipri

>> .i doi la .camgusmis. .io ma zo sivni do smuni
>
> .ui sinma .i .y. .i da sivni mi .i jo mi djica lo nu de poi mi cuxna
> ku po'o cu djuno da

.ie sai .i mi mipri da .i jo mi djica lo nu de poi mi cuxna ku cu ba'e
na djuno da .i basna po'o pe'i drata

.i lo nu cuxna lo sivni cu nibli lo nu cuxna lo te mipri .i je lo nu
cuxna lo te mipri cu nibli lo nu cuxna lo sivni .i ku'i lo pilno be zo
sivni cu casnu lo djuno be lo fatci .i je lo pilno be zo mipri cu
casnu lo na'e djuno be lo fatci

.i va'o lo nu casnu lo nu pendo jikca kei kei mi pilno zo sivni la'a
mu'i lo za'i lo za'i lo pendo po'o cu djuno .e nai lo za'i lo na'e me
lo pendo cu na'e djuno cu traji vajni mi

mi'e la stela selckiku
mu'o

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.