[lojban] so'i finpe .e so'i cipni puzi mrobi'o

[Pierre Abbat <phma@phma.optus.nu>]

ni'o lo kacmyxra poi se gubgau ca le lurdei cu jarco lo megygra be li so'o 
be'o ke morsi xernga poi tolcanci lo xaskoi be lo berti be la .noreg. ca lo 
31moi be lo decmbero be le 2011moi .i loi finpe cu zvati piso'a lo canre pe 
le la .kfenes. xaskoi be .la nordreisan. i le rinka pujeca na se jimpe

ni'o ji'i muki'o morsi cipni cu spaji lo xabju be le tcadu po'u 
la .bib.árkansos. ca le pamoi be le nanca be'o djedi .i lo cipni cu farlu lo 
klaji .e lo drudi .e lo foldi pe lo zdani .i na jimpe le rinka .iku'i lo 
clira jalge cu ru'anri'a lo du'u lo marji .enai lo terbilma cu rinka lo nu 
mrobi'o .i le fasnu na claxu lo lidne .i ca lo .ianvari be le 2010moi ku ji'i 
ciki'o cipni cu morsi lo nonseljmi bu'u le mintu tcadu .i lo bavla'i nu lanli 
cu srana lo xukmi .i lo danlu bandu terganzu cu krinu lo du'u lo nanca cfari 
salci larjakne ka'e rinka le nu mrobi'o .i lo diklo ke saske catni cu minsku 
lo sedu'u le cipni nunmrobi'o na srana lo ma'u bimuki'o finpe morsi be lo 
terbilma poi xanri le jutsi be'o poi cliva lo djacu vibu'u la .ozark. noi 
selstu le mintu jecta

.i zoi .url. 
http://www1.folha.uol.com.br/ambiente/1029375-milhares-de-passaros-mortos-caem-do-ceu-no-primeiro-dia-do-ano.shtml .url.

mu'omi'e .pier.
-- 
I believe in Yellow when I'm in Sweden and in Black when I'm in Wales.

-- 
You received this message because you are subscribed to the Google Groups "lojban" group.
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.
For more options, visit this group at http://groups.google.com/group/lojban?hl=en.