[lojban] Re: lo selsanga pe la'o dy. Bodo Wartke .dy zi'e po'u la'o dy. Liebeslied .dy

[iesk <pa.fae@gmx.de>]

Le mardi 14 août 2012 17:12:52 UTC+2, v4hn a écrit :
> coi rodo
>
> ni'o la'o gy. Bodo Wartke .gy goi ko'a ge'u dotco larfi'i gi'e sanga
> .i ko'a finti lo selsanga poi se cmene zoi Liebeslied zoi
> to noi jibni se fanva fu lu lo prami selsanga li'u toi
> .i ko'a troci lonu sanga lo pempau be sy be'o bau ro lo bangu pe le terdi
> .i uasai ku'i mi pu facki lodu'u ko'a sanga py bau la .esperantos. joi
> la .klingon. joi la .kvenjas. joi la .sindarin. ba'e joinai la .lojban.
> .i mi djica lenu sabji pa lo lojbo pempau ku ko'a kei
> .i mi troci finti ly. po'u di'e ge'u
>
> .i mi djica lenu sanga fi do
> bau ro lo bangu sepi'o ro lo zgitci
> .i mi prami do
>
> .i ta'o le glico pempau me di'e
>
> zoi gy.
> I want to sing in every language for you baby
> and play on every instrument to say these words to you.
> Believe me! It is true! I love you.
> .gy
>
> .i mi pu rejgau fi lonu mi sanga lo mi lojbo pempau joi lo glico pempau joi lo dotco pempau
> fe lo seljudri be zoi gy. http://v4hn.de/files/liebeslied-jbo-en-de.mp3 .gy
> .i ko'a sabji ro lo ko'a pempau noi se judri zoi gy. http://www.bodowartke.de/liebesliedgenerator/llg_flash_2012.php .gy
>
> .i ma pinka fi do
>
> mu'o mi'e la .van.

coi la .van.

.i ckire do lonu jungau .i la'o dy. Liebeslied .dy pe la .bodos.vartkys. mi slabu .i puku mi facki lo du'u da ja'a fanva fi la .lojban. .i xe fanva

«lu tu'e
 .ai mi dei do ge sanga bau ro bangu
 gi se pi'o ro cabra ku zgicusku
 .i .iu ju'o
 mi prami do
tu'u li'u»

(to .i .e'u co'e la'o zoi. https://groups.google.com/forum/?fromgroups#!topic/lojban/PCfF5t3ydCw[1-25] .zoi toi)

.i lo pe ti'e la .aleks. .kox. xe fanva cu xauzma ba'e pe'i lo do .io xe fanva fo lo ni zgike mapti kei .e lo ni bangu melbi

.i ku'i mi ja'a ckire do lo .io nu fanva .i jinvi lo du'u lo du'u sei gerna .u'i se'u so'o xe fanva cu zasti kei cu cinri je se kucli je xe cilre

.i .ui nai la .bodos. na sanga vau za'a

mu'o mi'e .iesk.

-- 
You received this message because you are subscribed to the Google Groups "lojban" group.
To view this discussion on the web visit https://groups.google.com/d/msg/lojban/-/3qr5AbnGXzoJ.
 
To post to this group, send email to lojban@googlegroups.com.
To unsubscribe from this group, send email to lojban+unsubscribe@googlegroups.com.

For more options, visit this group at http://groups.google.com/group/lojban?hl=en.