|
On 25/03/2015 07:26, Gleki Arxokuna
wrote:
je'u lo se smusku na'o bridi sumti gi'enai fasnu sumti .i ku'i mi na pante .i mu'a lu do cusku lu mi broda li'u noi vlapoi gi'e sinxa je va'i se smuni .i va'i do smusku lo du'u do broda noi bridi gi'e smuni jenai sinxa li'u
sa'u ze'u ku zo cuksu jai nabmi mi .i lo velski pu simlu fi mi fe lo ka nibli lo du'u ro se cusku cu te bangu se sitna gi'e sa'e vlapoi .i ku'i naku ro nu jungau cu te pilno lo gerna bangu .i mu'a lo danlu ta'e pilno lo na'e gerna bangu lo ka jungau .i mu'a lo gerku cu sligau lo ri rebla tezu'e lo nu lo drata cu djuno lo du'u vo'a gleki .i ku'i li'a lo nu rebla sligau cu gerna bangu naku .i ku'i je'u ca nau jinvi fa mi lo du'u cumki fa lo nu lo si'o cusku cu se sumti ka'e ku lo bridi ku ji'a ni'o lo'u lo se du'u le'u zo'u ze'e ku mi na birti lo du'u makau satci smuni .i za'a naku satci vlapoi se sitna .i ki'u bo lu do cusku lo se du'u do klama li'u selsmudu'i lu do cusku lu mi klama li'u ienai pei to frica fi lo ka makau sumka'i toi .i lo nu lo'u lo se du'u le'u naku lidne lo satci vlapoi se sitna cu banzu lo nu mi na'e jimpe lo du'u makau smuni te frica lo du'u zei sumti lo se zei du'u zei sumti .i mi zo'u no roi pilno lo'u lo se du'u le'u .i ca lo nu mi djica lo nu tavla fi lo vlapoi sinxa zo'u mi pilno zo lu .i ca lo nu djica lo nu tavla fi lo se cusku ba'e smuni noi bridi .enai vlapoi zo'u mi pilno lo'u lo du'u le'u .i lo'u lo se du'u le'u zo'u mi na djuno lo du'u makau satci smuni .i ja'e bo mi na pilno mu'o mi'e la .ilmen. -- You received this message because you are subscribed to the Google Groups "lojban" group. To unsubscribe from this group and stop receiving emails from it, send an email to lojban+unsubscribe@googlegroups.com. To post to this group, send email to lojban@googlegroups.com. Visit this group at http://groups.google.com/group/lojban. For more options, visit https://groups.google.com/d/optout. |