Re: [lojban] zo cpedu

[Jorge Llambías <jjllambias@gmail.com>]

On Mon, Jan 25, 2016 at 11:43 AM, Bruno Panasiewicz <ciuak.prog@gmail.com> wrote:

coi ro do

ni'o mi se cfipu tu'a lo velski be zo cpedu bei bu'u le gimste .i ra'u lo cpedu cu djica lo ka se dunda da .i ku'i so'a nuncpe cu nundji fi lo drata be lo nuncpa .i .au vy. prane lo me zo fraxu moi lo ka ma kau ckaji lo terbricibmoi

ni'o da'i lo ka ce'u ce'u ce'u cpedu cu ka ce'u ce'u jungau co clite lo du'u vo'a djica lo nu vo'e gasnu jo nai ckaji ce'u kei kei ta'i ce'u

ta'o pe'i cumki fa lo nu to'e clite cpedu

.i ta'o nai ie cumki fa lo nu lo cpedu cu djica lo ka cpacu lo se zukte be lo te cpedu .i pe'i zo cpacu na nabmi .i pe'i drani fa ro di'e

.i ko'a cpedu lo plise ko'e

.i ko'a cpedu lo nu ko'e dunda lo plise ko'a kei ko'e

.i ko'a cpedu lo nu carvi kei lo cevni

mu'o mi'e xorxes

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.