ca lo cabdei mi ci'asku di'e .i tu'e
.i su'o pe mi preti no'u di'e cu stali lo ka na se danfu lo ve skuski .i sa'e ma finti zo kosmu iu
tu'u .i ba bo la nazbi be le jbobau cu spusku lo ru'a gau cmamau
.i no da zo'u mi djuno lo du'u da djuno lo du'u ma kau finti zo kosmu
.ui nai .i ku'i na co'urfauri'a lo nu mi pamnei zo kosmu iu
.i va'o lo nu do se cinri lo citri pe zo kosmu zo'u pu za lo nanca cu tolcanci fa su'o zmiku poi zo kosmu cmene ku'o la .lojban. poi se .irci .i ca ro nu da cusku zo kosmu kei la kosmu cu .irci cusku lo smuvelcki pe zo kosmu
.i le do citri cu paurcau lo ba'e krasi be zo kosmu iu (to ta'o ko pilno me'o moi bu noi sinxrxactage zi'e noi se krasi lo glibau terpli .i va'i la moi bu zei .lojban. toi)
.i ku'i no da zo'u mi djuno lo du'u da djuno lo du'u ma kau finti la kosmu ku ji'a noi zmiku .i ri ba bo si tolcanci .i je mi no roi za'u re'u ganse tu'a ri
.i la kosmu pu tunba la fizbu ku ba'a nai po'o nai noi pu dimna dunli
.i cabycedra vlasmuski staile .i fau lo nu djica lo nu lo valsi be do cu jai cafne kei kei ko sazyco'a lo tai zmiku co .irci vau zo'o
mi'e la .ilmen. mu'o