Re: [lojban] lo tcidu bende pe la nicte cadzu — 2moi lo spisa

[selpahi <seladwa@gmx.de>]

> ni'o se pi'o lo bitmu gusni sy ka'e zgana lo se zvati .i lo cmalu gerku
> po'o cu zvati le fanmo be le dargu .i le gerku cu catlu sy gi'e sligau
> lo rebla .i za'a le bitmu cu marji lo staku bliku .i ji'a lo ciblu be lo
> xance be sy cu cpana .i .ii .u'e sy pencu le bitmu le xance da .i je da
> krasi lo boxna be le bitmu sefta .i .u'e sai na sance la'e di'u .i ji'a
> le ciblu poi cpana le bitmu cu se sakcpu le bitmu .i le sefta be le
> bitmu cu simlu lo ka se boxna gi'e cenba lo ka skari .i sy djica lo nu
> cliva vau mu'i lo nu lerci

.u'i sai

.i mi pu co'a xanka lo tcini ku noi terpyri'a ge mi gi ju'o la .susan. 
.i ku'i ba bo «lu sy. djica lo nu cliva vau mu'i lo nu lerci li'u» ...

.i mi co'a senpi lo du'u la .susan. cu je'a remna .i xu na ku lo nu 
lerci cu ba'e *tolvajnyrai* ca lo nu lo ba'e *bitmu* cu ba'e *citka* lo 
ciblu

.i ku'i tu'a le bitmu cu dukse lo ka cinri je
> cizra je se terpa .i le gerku cu co'a cladu bacru

ju'o cu'i la .susan. cu skepre .i pensku «lu ŭa .i cinri .i .ei mi 
zvasta ti gi'e lanli lo vi cizra bitmu .i na vajni fa lo nu la'a ckape 
sai .i ko'oi zukte fi lo xamgu be lo saske li'u» zo'o

> ni'o spaji fa lo nu lo gusni cu jmaji lo tarmi .i sy ze'a zgana lo tarmi
> poi ca'o cenba .i ba bo sy suksa jimpe lo du'u le tarmi cu simsa lo
> .oxtapodi .i le tarmi cu co'u mulno lo ka frica lo sruri .i ji'a .ii cai
> pa tu'urbirka cu tcena lo ba'e vacri pe fa'a sy .i so'o tu'urbirka cu ba
> zi ji'a tcena .i re ri muvdu je jgari le gerku .i lo tu'urbirka cu tagji
> zenba .i ca'o bo le gerku cu cladu cmoni .i ji'a ri binxo co porpi re
> spisa

.i co'a je'a vlile

> .i lo ciblu cu se bumru lo ve'i canlu .i pi so'u ciblu cu binxo co
> cpana la susan .i la'e di'u rinka lo ka sy kakne lo nu bajra .i sy carna
> lo te cliva be lo tu'urbirka crida ca lo nu lo tu'urbirka co'a lacpu lo
> gerku spisa fa'a lo barda ke blabi ja'urxe'a poi nenri lo midju be lo crida
>
> ni'o sy bajra se rai lo ka kakne sutra .i ku'i pensi lo si'o krixa .i ba
> zi bo ji'a sy viska lo zdani claxu remna se pi'o lo bitmu gusni .i ry
> sipna ni'a lo papri .i sy jgari ry gi'e troci lo nu cikna rinka .i sy
> krixa lo glico panra be lu .ii ko sanli .i ta jersi .i ko bajra li'u .i
> ku'i za'a ry na jimpe .i sy krici lo nu ry menli tolcertu .i ku'i sy
> ka'e tirna lo cilmo ke citka sance .i se mu'i bo jgari ry .i rinka lo nu
> ry sanli .i sy viska lo nu le crida cu mulno cliva le bitmu gi'e klama
> lo re remna .i se mu'i bo sy lacpu le zdani claxu .i ku'i ri mutce masno
> .i sy ca'o troci lo nu sidju

> ni'o le remna cu farlu .i sy pu'o sidju ca lo nu le crida cu jgari
> ry.i so'o tu'urbirka cu lacpu ry fa'a le moklu ca'o lo nu lo drata cu
> lacpu le crida fa'a sy.i ry pu zi co'a krixa .i ku'i ry jibni le moklu
> .i ca bo sy tirna lo smaji batci sance .i ry mulno ke smaji
> je toljdari ke'e binxo .i syboi za'u roi bajra gi'e klaku fi tu'a ry

.u'e .i xa'o ku pa gerku je pa remna pu'i morsybi'o .i mi nelci lo nu lo 
gerku je lo zdani claxu cu pagbu lo lisri .i ku'i li'a mi dainmo gi'e 
na'e gleki lo nu morsi .i xamgu lo lisri .i xlali lo se lisri

~~~mi'e la selpa'i

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.