Re: [lojban] lo'u lo du'u xu kau le'u

2016-04-20 17:00 GMT+03:00 Bruno Panasiewicz <ciuak.prog@gmail.com>:

(to'i .i ti nu ro da poi me do zo'u mi spuda lo me da moi .i ca'e lo
pritu zmadu se krasi cu me la selpa'i ku moi toi)

la .ciŭak. cu skuna si cusku di'e

coi te mrilu!

coi le'o si

coi .u'i

.i mi pu conpei lo'u lo du'u xu kau le'u .i selpli cafne sai
.i se pi'o la .cekitaujaus. ju'e su'o kau-zei-vimcu ciste zo'u
za'o tordu nalbanzu fa lo'u lo du xu le'u (to mi nelci lo nu
vimcu zo kau .i cinri sidbo .i .ei conpei ze'a lo clamau toi)
.i ra'u le nerbri cu me la .obzervytiv. .i ja'o ka'e finti lo
todypa'acmavo be ba'e zo le

lo zi'ejvo cu jmive zo'o

go'i .u'i .i mi rafselcfipu ca lo nu ciska iau li'a dai

be'o poi ro da poi selbri zo'u ke'a ce'o da turbaro lo'u lo
du'u xu kau le'u ce'o da .i cinri fa lo du'u simsa tcini fau
tu'a zo ma .e zo mo .i .e'u mi ca mulno jarco tu'a le ci cmavo
vi

| .i ro da poi selbri zo'u te se turbaro nu'i ge zo xau'a ce'o
| da lo'u lo du'u xu kau le'u ce'o da gi nu'i ge zo mau'a ce'o
| da lo'u lo du'u ma kau le'u ce'o da gi zo moi'a ce'o da lo'u
| lo du'u mo kau fa lo le'u ce'o da .i je ge zo xau'a gi ge zo
| mau'a gi zo moi'a cmavo zo le

.i xu do zanru le'o

mi pu krici lo du'u la .jek. si .and. pu zu stidi su'o na ru'e
mintu .i ku'i mi ca fliba lo ka zvafa'i lo srana

ko za'u re'u troci .e'o .i mi se cinri sai

.i va'o ro da mi jinvi lo du'u vajni fa lo nu ma'a na co'u lanli
zo ‹kau› je lo brivla poi se srana ri .i pu za lo masti be li re
la baupla fuzykamni co'a casnu zo ‹kau› (to
//groups.google.com/d/msg/bpfk-list/V9tu5M3LhRY/CJQjYnQ3BAAJ toi)

.i cinri nu casnu (to ba .a'o ju ca tamsmi zo'ei dei toi)

.i lo du'u ba pilno lo cnino cmavo ji kau lo cnino brivla gi'i kau
ba co'u pilno zo ‹kau› za'u pa da zo'u lo balvi ku po'o jai ca
facki

ni'o mi zanru tu'a la'oi «let usage decide» .i ku'i mi zgana lo nu
so'i da troci lo ka gau ce'u snomau fa lo nu lo se stidi noi jai cafne
fai lo ka se pilno cu ca'irselzau .i do jinvi ma le tai jai zunti

ni'o ta'o ru'e mo zo ni .i simlu lo ka reltci .i ka'e pilno pa'u ja
se cau zo ce'u mi'e se cfipu

.i la gleki cu jmina di'e lo nuncasnu:

i lo nu tadni lo 6 valsi cu zmadu fi lo ka nandu vau fe lo nu
tadni lovalsi poi klani li 3 su'i 1

ca'e mi pante lo na'e se nelci be mi je nu do doi la gleki ca lo
nu lo drata cu stidi su'o da cu ta'e spusku su'o tordu poi se du'u
lo sidbo cu xlali ja se cfila .i lo nu ta'e pantrdestruktive cu
fanza gi'e rinka lo nu jdika lo ka djica lo nu finti gi'a gubni
casnu vau lo sidbo .i ju'o na ku mi ro mei lo pu ganse

.i la gleki cu jmina ba'e po'o .i nunsnu xlajmi

ni'o cu'i mi pu zgana lo nu so'i da poi mrinunsnu zo'u lo nu mi
jmina su'o de da cu bapli lo nu na'e bo mi co'u mrilu fi'o te jmina da
(to ta'o ma torpa'a lu «fi'o te jmina» li'u toi) .i jijnu lo nu lo me
mi moi cu nunsnu nalxau .i ku'i za'a mi na'e traji .i je le vi mrilu
nunsnu cu jmive pe'a ki'e pagzu'e

.i ju'o cu'i slabu do fa lo misyselsku po'u «lu ko va'o lo nu no
da poi jai se xendo zo'u do djica lo nu do cusku da cu cusku no da
li'u»

.i ca zi co'a slabu .i ma va'o ma cusku fi ma .iau .a'u .i xamgu
pu'enta si se lisri ki'e .i'e selskusku

(to'i ti nu lo pritu zmadu se krasi co'a me la solpa'i na .e la .oi
dai flira be la jbobau me'u moi toi)

i mi na pu xusra lo du'u le sidbo cu xlali

.i .u'i za'o tordu gi'e le'o-zei-ckaji .i do na xusra .i ku'i lo
valsi cu xusra pe'a .i lo valsi be do cu mipri fi do fe lo noi smuni
ku'o si'o xlali fa le mi sidbo

i ni'i ma do co'a tai jinvi

.i la selpa'i tai jinvyco'a ki'u lo nu sy. narsanji (to zo'oi
«subconcious» toi) ganse lo smuni noi se mipri .i di'u se li'armi li'a
du'o do .i ja'o je mi na'e jimpe mau'a si lo du'u ma kau mukti lo nu
retsku fu lo se li'armi

i ie cafne falo nu lo prenu cu smadi lo du'u makau sisisisi mau'a se skudji lo drata

i ku'i ti'e lo banjubu'o cu bangu fi lo nutli i se ki'u bo zabna pe'i da'i fa lo nu jinvi fo lo se brisku e no drata be ri be'o ri'anai lo nu smadi (to i ku'i li'a ma'a uu jai se bapli fai lo ka jijnu mau'a jetnu smuni be lo ca'irselzau gismu e lo ca'irselzau cmavo toi)

(to'i ca co'e lo me la .guskant. moi toi)

i pe'i lo te tamgau be fi do cu na'e nabmi

ki'e

i ku'i zo kau ka'e nenri lo astrato pe na'e bo zo du'u i ja'o pe'i
lo ci mei be fi'o tamgau do cu no'e mulno lo ka seja'e ce'u tordu
fa lo ro astrato lerpoi

.i mi sanji .i ku'i fau lo nunydji be fi tu'a ro cumki lerpoi cu
kosmycau (to zo kosmu .iu .i ta'o ma finti toi) .i mi jarco tu'a le ci
cmavo noi mi jinvi lo du'u lo se turbaro be zo'e pe ke'a cu jai dukse
cafne fai lo ka se cusku

ni'o sapmau fa lo nu finti su'o panra be zo zo bei lo ka galfi fi lo
selbri .i do ma jinvi fi le be di'u sidbo

i ji'a zo kau cu sinxa lo nu lo'i danfu be lo nunrei cu te fancu
lu'i da poi vrici i mu'a la xorxes pu cusku lu .i la djan cu frica
la .alis lo ka ce'u citka ma kau li'u soi mi ji'a pu djica lo nu
gau sanji fa do lo prosa be fi la ilmen be'o jo'u lo xatra be fi
la xorxes vu'o noi ku'i .u'i la selpa'i cu jinga fo lo ka sutra
kei tai di'e

.i go'oi jinga .ie .i mi tatpi lo nu zutse lo rirxe korbi si si si
si pensi zo kau noi dukse lo ka pluja mi (to ko tavla la .krtis. vau
zo'o ru'e .oi dai toi)

~ mi'e la .uakci mu'o re'i ~

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.