8 maj 2016 15:18 "selpahi" <seladwa@gmx.de> napisał(a):
>
> (to sa'a ti barda spisa .i se ki'u bo lo nu mi denpa ba djedi li re toi)
.i pei ca djedi li ci vau zo'o
> ni'o pa pi mu mo'o nu cilre
> .i dei skicu lo skami seltcana nu casnu ve cu'u la'o zoi #lojban zoi po la irk .i la'a cizra simsa .i la susan pilno la irk di'i so'a djedi .i ku'i jarco lo cinri casnu po'o .i ji'a vimcu so'o selsku le dei vreji mu'i lo nu na cinri gi'a na srana
.i 1mai: ta'o sai ju'i nai do'u mi fanva zoi .zoi. doesn't matter .zoi. fu di'e .i na marji
.i 2mai: mi na nelci lo cabna se lisri .i .em. me'oi. naïve . pe'i .i .au su'o pavyfincku pe bau cu na marji si srana si se pagbu so'i si'a lo srana be le bangu
> <susan> coi
> <taliesin> coi susan do mo
> <susan> yyy troci lo cilre lojban i y tavla lojban po'o pe'u
> <taliesin> mi djisku lu troci lo nu cilre la lojban li'u
> <susan> ki'e do
> <taliesin> xu do djica lo nu mi cusku fi do bau la lojban po'o
> <susan> y denba
> <susan> tugni
> <taliesin> .u'i ru'e stidi zo go'e poi simsa zo go'i
> <susan> ki'e .i yyy mi pensi jimpe
> <taliesin> stidi lu pe'i mi jimpe li'u
> <susan> oi nandu
> <broca> coi ro do
> <taliesin> coi broca do mo
> <broca> mi pu zi tcidu lo cukta poi skicu lo gerna be la gliban .i mutce cinri .i ku'i nandu
> <susan> .ii .oi ro'e sai
> <broca> coi susan .i do terpa ma
> <taliesin> la susan pu spuda lo nu mi'o cusku fi sy bau la lojban po'o .i ku'i cnino cilre
> <broca> .ua .io sai doi susan xu do terpa lo mi barda jufra
> <susan> .oi mi na jimpe .i mi cortu lo stedu .i co'o
> <taliesin> co'o
> <broca> co'o
za'a sai la .suzn. cu srera tai no lo nintadni poi mi su'o roi jikca .i .u'e tolfadni nintadni
> ni'o balvi lo jeftu be li ji'i pa
> <susan> coi ro do
> <susan> xu do tirna
> <susan> coi norsmu
> <norsmu> la pu makfa da'i
> <norsmu> re'i la susan
> <susan> y makfa ki'a
> <norsmu> mo'a milxe cadzu
> <susan> yyy ki'a sai
> <norsmu> coi mi
> <susan> y ma mukti cu do rinsa do
> <susan> la norsmu xu do tirna mi
> <norsmu> mi bredi
> <susan> .ua nai du bredi ma
> <norsmu> doi co'e
> <broca> coi susan .i xu do djuno lo du'u la norsmu cu zmiku gi'e nai remna
> <susan> .oi sai .i mi na djuno .i mi ca tatpi .i co'o ro do
laknymau fa tu'a le tai se .ircysku
.i .u'i lu mi na djuno .i mi ca tatpi li'u .i mi .ym. morji sai fi lo tamsmi be di'u
> ni'o balvi lo jeftu be li ji'i ci
> <susan> coi ro do
> <broca> coi susan do mo
> <taliesin> coi susan
> <susan> mi sai tatpi .i mi pu clani gunka
> <taliesin> .e'u mi mutce tatpi
> <broca> zo sai cu se lidne lo valsi poi ra srana .i ji'a ko pilno lo re moi te bridi be zo tatpi
> <xod> coi ro do
> <broca> coi xod do mo
> <xod> mi xebni la buc
> <broca> xu lo cnino mukti cu zasti
> <susan> je'e .i xu lu mi tatpi sai lo nu mi clani gunka li'u
> <xod> go'i .i la buc pu zi sfasa lo to'e gunka poi pante la ual mart
> <xod> doi sy mi stidi zo ze'u .o nai zo za'o .e nai bo zo clani
> <susan> ki'e xod .i xu lu mi mutce tatpi lo nu za'o gunka li'u cu drani
> <xod> go'i
> <susan> la buc ki'a
> <xod> la buc cu nolraitru lo merko gugde
> <susan> y lo merko gugde na nolraitru ponse mi pe'i
> <xod> zo mi na sarcu .i zo pe'i ro roi srana do
> <xod> la buc na je'u nolraitru .i ku'i tarti simsa lo nolraitru
> <susan> .u'i
> <taliesin> doi susan lo nu ciksi la lojban do bau la lojban cu nandu .i ma mukti lo nu do djica le go'i
> <susan> .oi sai le mi stedu cu cortu
> <susan> mutce pluja
> <taliesin> .u'i sai mi pu xusra
> <susan> y .ua mi jimpe .u'i
> <susan> mi djica lo nu sutra cilre la lojban
> <taliesin> ma mukti
> <susan> mi djuno lo prenu nelci la lojban
> <taliesin> mi stidi zo poi .i lu la lojban li'u cu pu srana lo ci moi se bridi be zo djuno .i li'a sai do na djica
> <taliesin> ma cmene le prenu
> <susan> .oi mi sipna nitcu .i co'o
>
>
> ni'o balvi lo masti be li ji'i pa
>
> <susan> coi ro do .i do mo
> <dir> coi susan
> <norsmu> fenki mo
> <susan> .oi mi na nelci la norsmu
> <dir> ma krinu
> <norsmu> ba ca'o brode
> <susan> ri pu cfipu mi .i xu do nelci la norsmu
> <dir> .u'i go'i
> <norsmu> mi .i xu melbi
> <susan> ma mukti
> <dir> mi finti la norsmu
> <susan> .u'u mi y xenru lo nu mi mabla
> <dir> na nabmi .i la norsmu cu ja'a cfipu .i ny na troci lo nu cusku lo se kakne se jimpe
> <norpan> .i ku'i lo nu troci co jimpe ny cu la'a mutce sidju lo nu cilre
> <susan> .ue coi norpan do pu no roi tavla
> <susan> doi norpan xu do tirna
> <taliesin> ko pilno zo jundi .e nai zo tirna
> <susan> coi tal .i ma krinu
> <taliesin> xu do tirna lo selsku be la irk se pi'o lo kerlo be do
> <susan> na go'i
> <taliesin> la'e di'u krinu
> <susan> je'e mi jimpe
> <taliesin> .u'i xu do di'i nitcu lo nu ciksi fi do fe lo nu do jimpe
> <susan> y ki'a
> <taliesin> zo je'e lidne lo cmene be lo te cusku poi do djica lo nu djuno lo du'u do jimpe .i do pu cusku lu je'e mi li'u
> <susan> yyyy mi krici jimpe .i ku'i le stedu be mi ca cortu .i co'o ro do
> <taliesin> co'o susan
>
>
> ni'o balvi lo masti be li ji'i re
>
> <susan> coi ro do
> <susan> do mo
> <broca> coi susan mi tadni
> <susan> do tadni ma
> <broca> lo citri .i mi cuxna lo citri xe ctuca poi ne sarcu
> <susan> .a'u ru'e citri ma
> <broca> lo mutce purci misro .i mi bilga lo nu tadni so'o xe ctuca poi na srana lo ralju se tadni be mi .i ji'a mi ro roi cinri lo pu zu misro
> <susan> je'e .i do ralju tadni ma
> <broca> lo bangu saske
> <susan> .u'i .i se ni'i bo mi na jimpe lo du'u ma kau mukti lo nu do tadni la lojban .i je'u nai zo'o
> <broca> .u'i mi tadni la lojban te zu'e lo nu fanza lo ctuca be mi
> <susan> .u'i sai mi ji'a stidi lo nu do di'i xusra lo si'o tu'a la sapir.uorf cu prane
> <broca> .u'i
> <susan> .i ji'a sai ki'u lo nu da'i la'e di'u na banzu cu stidi fa mi di'e .i do xusra lo nu do finti lo samselpla poi prane jimpe la gliban gi'e djica lo nu sy gubni binxo se pi'o la .ueb. gi'e ku'i do pu'o nelci lo tarmi be lo te pruce
> <broca> .u'i sai
> <taliesin> .u'i sai
>
> ta'o la'e lu tarci bu li'u cu sinxa lo sinvi selsku ve cu'u la .irk.
>
> <taliesin> doi susan do certu la lojban
> <susan> ki'e sai tal .i mi mutce gunka
> *broca* .i ji'a do bredi
> *susan* yy mi bredi ma
> *broca* da poi rinka lo nu do cilre la lojban .i .a'o xamgu funca
> *susan* y ki'e .i co'o broca
> *broca* xamgu lo nu do na spuda .i co'o susan
>
> (to sa'a fanmo lo ckupau toi)
xo'o nai milxe jai tolzdi fa le vreji
.i ta'o cu'i ma mukti lo nu su'o lo .irci cu sezytercme zo broca .i .i'u toi'e .oi ru'e
— mi'e la ŭakci ku noi ta'o sezbilga lo ka ciska lo te spuda poi jufra pa mei ku'o kei gi'u da'i nai ciska do'u mu'o —
--