Re: [lojban] lo poi'i zo sei zo to frica ke'a (to pu cmene fa «lu nu mi stidi tu'a so'i lo stura ja cmavo li'u» toi)

[guskant <gusni.kantu@gmail.com>]

2016-04-27 12:50 GMT+00:00 selpahi <seladwa@gmx.de>:

ta'o va'o lo nu ba'e *da'i* zo ‹sei› co'a citka lo mulno bridi zo'u fi ma frica fa zo ‹sei› zo ‹to› .i ke po'o nai la .guskant. pu stidi tu'a lo mulno bridi

i sa'unai pu zu ku la iocikun noi ctuca mi fi la peg cu stidi lo se go'i

i je mi cerda po'o lo ka go'i 

i ga'a mi la iocikun pu djica lo nu lo pi ro gerna cu sampu je melbi kei ja'e lo nu stidi ra

i ta'o la selpa'i na galfi zo sei gi'e ku'i pu galfi zo soi lo cmavo be lo cnino to zoizoi

https://mw.lojban.org/papri/new_soi

zoi toi

i lo di'u cnino selma'o ne la selpa'i cu panra ma'oi SEI pe la zantufa (to po'o frica fi tu'a la supsentens noi traji co fegli mi toi)

i ca lo nu mi pu stika tu'a la zantufa kei mi pensi lo du'u xamgu fa ma'oi SOI pe la selpa'i ge'u ji ma'oi SEI pe la iocikun

i li'a fegli mi fa lo gerna stura pe ma'oi SEI pe la camxes

i se mu'i bo mi djica lo nu vimcu lo ka fegli kei ma'oi SEI kei

i ja'e bo mi cuxna zo'e pe la iocikun ge'u enai zo'e pe la selpa'i

 

.i ka'u zo ‹sei› bi'ai srana lo sruri jufra ja jufmei ja selsku .i je na go'i fa zo ‹to› .i ku'i soi'a .emje, va'o dukse lo ka na'e frica kei lo je'a plixau nu frica .i xu na ku lo nu mu'a zo ‹sei› bi'ai se pagbu zo ‹ke'a› cu se jalge lo nu zenba lo ka frica zo ‹to› kei gi'e ja'e bo zenba lo ka plixau .i mi kucli je nai xusra

~~~mi'e la selpa'i

i ji'u lo de'u pruce be fi ma'oi SEI pe la zantufa

lo brisni noi jbini zo sei ce zo se'u cu .ei dunli zo'e pe ma'oi SOI pe la selpa'i lo ka smuni stura kei ji'a

i se ni'i bo zo ke'a cu .ei ka'e pagbu lo brisni pe zo sei pe la zantufa

mi'e la guskant jo'au zantufa xi papipare mu'o

-- 
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.