Le jeudi 2 juin 2016 12:13:54 UTC, selpa'i a écrit :
coi
.i ca lo prulamdei mi mo'u finti pa cnino lisri .i judri fa
http://selpahi.weebly.com/jbo/mi-zaho-citno
.i su'o pinka cu poi'i mi djica lo nu mi cusku ke'a lo se cinri
.i 1mai) lo bankle cu du la .cekitauj. (to sa'e klesi la .cekitauj. toi)
.i la'a li'armi
.i 2mai) lo lisri cu jai nu mi cipyzu'e lo nu zo ‹nu› basti zo ‹du'u› .i
ra'u mi kucli lo du'u ma kau ni cizra .i lo nu ze'u sucta casnu cu frica
lo nunpilno cipra .i mi za'o nu'o birti
.i 3mai) ca'o ku mi pilno zo ‹poi'a› jo'u lo simsa fi'o ciste lo nu zo
‹be› jai sarcu .i .au facki lo du'u xu kau ja'a xagmau .i la'a xamgu fa
lo nu da'i karbi fi lo panra prosa pe lo nu zo ‹poi'a› cu tcita lo mulno
bridi je nai lo selbri .i pe'i ma'a za'o nu'o raunzu lo ka lanli
~~~mi'e la selpa'i
ki'e banli
ni'o la'au mi za'o citno li'u cu se genturfa'i la maftufa xi 1.14 co cekitaujoizais ku noi se judri zoizoi
http://guskant.github.io/gerna_cipra/maftufa-1.14-cekitaujoizai.html
zoi
ni'o ta'o uanai lo di'e valsi noi pagbu la'au mi za'o citno li'u cu se jbini la'o zoi Unicode Soft Hyphen zoi fi'o cipra pe la'o zoi https://r12a.github.io/apps/conversion/ zoi
i zoizoi
jibrykansa , donmijysai , nunmorsi , kamjibgu'a , nuncfipu , djacybaktu
zoi
i la zantufa co'a curmi di'u seva'u lo tcidu be la'au mi za'o citno li'u i ku'i pe'i su'a la'o zoi Unicode Soft Hyphen zoi cu na'e se nitcu
ni'o pe'i cfila fa lu
lo jeftu be li su'o pa cu prubi'o
li'u i ki'u bo ma'i la cekitauj zo su basti zo su'o
i ku'i mi jimpe lo du'u jo'u gi zo skuna gi zo donmijysai gi'i mu'a se aidji
i ji'a zo nu zo'u mi tugni do soi ku'i la'a lo krinu cu te frica do mi
i sa'unai ma'i lo zanru be la fatci ismo zo nu zo du'u frica lo ka smuni
i ku'i pe'i lo se jbobau cu ei na'e rinju pa ismo
ni'o ma'oi POIhA zo'u la maftufa jo'u la maltufa cu se pagbu
i ku'i ma'i la zantufa noi jai prami lo ka sampu zo'u ro lo di'u cmavo cu ei cmina ma'oi FIhO
i mi jimpe lo du'u do djica lo nu lu POIhA selbri li'u cu e'i na'e tcita lo sumti
i ku'i fi'o se pensi mu'a lo nu ma'oi CAhA ka'e tcita lo sumti gi'e na'e se tamgau kei
no da krinu lo nu lu POIhA selbri li'u cu e'i na'e tcita lo sumti
i ganai da'i ro lo cmavo be ma'oi CAhA cu muvdu ma'oi NA gi mi ji'a ka'e pensi lo nu finti ma'oi POIhA
mi'e la guskant jo'au zantufa xi papipavo