mi se cinri lo sidbo be ma'oi POIhA
(to judri fa zoizoi
http://selpahi.weebly.com/lojban/zo-xoi-joi-lo-se-srana-be-ri
zoi toi)
i ku'i pe'i lo di'e nu stika cu xagbai lo stura
ni'o xi pa
mu'i ma lo POIhA zei stura cu ei tcita lo selbrisni
i za'a la'au mi za'o citno li'u se pagbu no lo POIhA zei stura ku poi selbritcita iau zoizoi
http://selpahi.weebly.com/jbo/mi-zaho-citno
zoi
i pe'i ganai da'i lo POIhA zei stura cu po'o jmina lo smuni lo bridi
gi na'e sarcu fa lo nu lo POIhA zei stura cu ckaji lo ka selbritcita
ni'o xi re
ru'a lo POIhA zei stura cu ei tcita lo selbrisni inaja la'a lo cmalu nu stika cu sarcu
i lo se stidi be la selpa'i cu nibli lo stura be tai di'e i zoizoi
([{lo <(¹nu [CU {broda <poi'a brode fe'u> VAU}] KEI¹) brode> KU} VAU] IAU)
zoi
i ku'i va'o lo nu za'a la selpa'i cu stidi zoizoi
selbri_1 <- selbri_2 / NA_clause free* selbri / adverbial selbri
zoi
cu xauzma fa lo stura be tai di'e fi'o simsa zo na i zoizoi
([{lo <nu (¹CU [broda VAU]¹) KEI> KU} {CU <poi'a broda fe'u> brode} VAU] IAU)zoi
i lo go'i cu ei fatci va'o lo da'i gerna be tai zoizoi
tag_term <- (!gek (tag !(!(tag / adverbial) selbri) !gek_bridi_tail / (FA_clause free* (joik FA_clause free*)* / JAI_clause free*) !tanru_unit_1) (sumti / KU_elidible free*))
zoi
ni'o xi ci
mi zmanei lo nu lo POIhA zei stura cu sumsmi po'o gi'enai selbritcita
i va'o lo se go'i lo famyma'o cu ei ze'oi KU ki'u la'e di'e
i tu'e
mi jinvi lo nu (to'i mi ji'a troci lo nu cliva zo du'u toi) lo vajni co steci be lo famyma'o cu ka sajbai lo te cusku lo nu ma kau poi gerna stura cu se fanmo
i mu'a fa'u gi ma'oi KEI gi ma'oi KU gi ma'oi VAU mu'anai cu sajbai lo te cusku lo nu lo stura be fa'u gi lo selbrisle gi lo sumsmi gi lo brisni cu se fanmo
i mi jinvi lo nu ji'a ma'oi FEhU cu ei sajbai lo te cusku lo nu lo tcita enai lo sumsmi cu se fanmo
i ma'i mi lo stura be ra'i ma'oi POIhA cu sumsmi gi'enai tcita
i ja'o ma'oi KU enai ma'oi FEhU mapti ma'oi POIhA lo ka famyma'o
tu'u
ni'o xi vo
sei mi ciksi ke'a tedi'o lo ke drata mripoi ke'e be fi'o judri zoizoi
https://groups.google.com/d/msg/lojban/P93XAAVgWy8/GA6u3KiTFwAJ
zoi se'u
ma'i lo lojyske lo cmavo be ma'oi CAhA cu ei muvdu ma'oi NA
(to ji'a tu'a lo cmavo be ma'oi NAI be'o noi mapti lo cmavo be ma'oi CAhA cu sarcu tu'a lo lu'ei NA JA NAI li'au stura toi)
i ganai da'i go'i gi mi zanru lo nu
jmina lo POIhA zei stura lo zantufa gerna me'e zo briga'i
ije la briga'i cu se cmima lo POIhA zei stura joi lo NA zei stura (to'i zantufa lu'ei ije li'au toi) tai zoizoi
term_2 <- (XOI_clause statement SEhU_elidible / KE_clause term+ KEhE_elidible / tag_term / !tag sumti / brigahi / gek_term)
brigahi <- ((POIhA_clause free* selbri / NA_clause !bridi_tail !joik_gihek ) KU_elidible)
zoi
i la zantufa xi papipamu cu se pagbu ma'oi POIhA pe lo di'u manri poi'o'a se judri be zoizoi
http://guskant.github.io/gerna_cipra/zantufa-1.15.html
zoi
i pei mi'e la guskant jo'au zantufa xi papipamu