Le samedi 11 juin 2016 08:07:03 UTC, la uakci a écrit :
coi
.i mi pu conpei lo nu lisri bu'u la mriste .i ku'i se'o lo nu mrilu lo mulno lisri ku po'o cu tolzdi
.i mi stidi lo du'u nunjikca ja nunspuda ja nunjitro lisri .i sa'e lo finti cu gubgau lo pagbu pa moi gi'e denpa tu'a lo terfra .i ty. sinxa lo jai se djica be lo pagzu'e bei fai lo ka se zukte lo ralju se lisri .i lo finti cu tinbe gi'e gubgau lo pagbu re moi noi jalge lo se zukte .i mi'umi'umi'uli'o
.i do ma jinvi
-- mu'o mi'e la uakci
cinri mi
i pe'i lo mulno lisri ka'e se tarmi lo tricu a lo julne soi pensi lo nu pa pagbu cu li'erla'i su'o re pagbu kei a lo nu su'o re pagbu cu li'erla'i me'i no'o pagbu
i mu'a tu'e
lo pamoi pagbu cu me lu
la bripre cu penmi le gerku
li'u
i lo remoi pagbu cu remei gi'e me lu
le gerku cu cisma gi'e cusku lu e'u do te vecnu ti noi bongu li'u
li'u jo'u lu
la bripre cu te preti lo ve klama be lo tcana bei fo vo'a fo le gerku
li'u
i lo cimoi pagbu cu pa mei gi'e me lu
la maknant cu zo'i bajra gi'e sakli farlu ri'a tu'a lo bongu
li'u
i lo vo moi pagbu cu ci mei gi'e co'e mu'anai
tu'u
i tai ma ganzu lo mulno lisri
i e'u gauku ge loi ro pagbu cu se ganzu fi lo se tarmi be lo tricu a lo julne
gi ro lo tcidu cu cuxna lo pa linji noi se nelci vo'a
mi'e la guskant