.i mi pu smudji lo drata .i do ca pilno zo'ei lo'u GA BO le'u .i mi stidi lo nu .anra zo bo lo ka zifma'o .i se ja'e ku zo'ei lo'u GA BO le'u jai na'e se nitcu .i lo'u GA LA'E'I'O'U'AI'EI'OI'AU le'u jai zasti ji'u lo nu zo LA'E'I'O'U'AI'EI'OI'AU cu cmavo zo UI
.i .y lo drata sidbo cu jai cumki
.i lo cmavo pe lo du'u lo pa mei cu jetnu ge'u je zo'ei lo du'u lo ro ja no mei cu jetnu cu zasti da'i .i plixau fa ke po'o lo re mei pe di'u .i ma'i ku lo re cmavo be zo GA cu se jmina .i sapmau .inde'e se'o
je'e
i krinu lo nu pilno zo BO kei fa la'e di'e i tu'e
zu'u zo BO tsali lo ka jorne lo lidne be vo'a
i zu'unai lo sumti ja selbri tcita cu jorne lo se lidne be vo'a
i ku'i lo di'u tcita cu mleca zo BO lo ka tsali lo ka jorne makau keikei
ija'ebo te di'o lu
lumci lo xance i ba bo citka
li'u mu'a zo ba jorne naku zo citka
i va'i zo BO katna lo di'u vlapoi zo ba jo'u zo citka
i lo'u GA nai BO le'u zo'u gau mi tai la'e di'u
zo BO tutci lo nu sepli fa lo smuni be zo nai lo se jbini be ma'oi GA joi ma'oi GI
i sa'unai zu'u te di'o lu
go nai « mi jmive » gi « mi morsi » gi « mi narmivnarmro »
li'u
zo nai se smuni lo natfe be lo du'u « mi jmive » kei
i ja'e bo lo jai te di'o go'i cu smudu'i lu
go « mi na jmive » gi « mi morsi » gi « mi narmivnarmro »
li'u
noi nibli lo du'u « mi morsi i na ja mi narmivnarmro » kei ue dai
i zu'unai te di'o lu
go nai BO « mi jmive » gi « mi morsi » gi « mi narmivnarmro »
li'u
zo nai na se smuni lo natfe be lo du'u « mi jmive » kei
gi'e galfi lo smuni be zo go lo du'u ca'e pa po'o lo ci bridi cu jetnu kei ue nai dai
tu'u
i pe'i lo di'u tadji be lo nu pilno zo BO cu na simsa tu'a lo zifma'o iau pei