On Jul 8, 2016 2:09 PM, "selpahi" <seladwa@gmx.de> wrote:
>
> ni'o ci pi ci mo'o nu citka
>
> .i sy zutse ragve pa jubme la .stefen. .i ro le se bende cu ji'a jibni .i sy se spaji ke viska catlu
xu ka'e na'e viska catlu vau u'i
> cy .i la .deivid. cmila cusku lu ko ga'orgau le moklu doi .susan. .i do pu djuno lo nu lo blupinxe cu citka lo barda li'u ju'e lu .ie sai ku'i mi pu no roi viska lo nu pa remna cu citka pi ro lo pa makcu bakni li'u .i cy cusku lu va'o la'e di'u xamgu fa lo nu mi na remna .i xu do tugni li'u .i vy cusku lu cy krici lo du'u lo blupinxe cu na jutsi mintu lo remna li'u .i sy cusku lu .y. xu da panzi pa blupinxe joi pa remna li'u .i sy se spaji lo nu ro jibni prenu cu se spaji catlu ba'e vy noi kandi binxo di'o le flira .i vy cusku lu .y. .u'u cai lo blupinxe cu ba'e na kakne lo nu se panzi .i xu mi to'e morji lo nu ciksi la'e di'u do li'u ju'e lu do pu go'i li'u
>
> ni'o ro jibni prenu cu ca co'a cusku .i ku'i sy sinxa gasnu lo nu djica lo smaji
lo ba'ei nu smaji
> .i se ki'u bo le jmive cu cusku lu za'a ji'a no da ciksi lo du'u mi kakne lo nu cliva .i ca la'e di'u do fadni remna binxo .i ku'i lo blupinxe cu ka'e jmive ze'u lo nanca be li so'o no no .i lo nu mi cliva ba lo nanca be li du'e cu rinka lo nu do mrobi'o li'u .i sy tavla cusku lu le jmive cu ciksi so'u da poi do'o pu na ciksi .i mi na fengu .i mi smadi lo du'u lo blupinxe cu na temci zifre lo nu kurji lo panzi .i ji'a mi pu na mutce djica ri .i ko surla binxo li'u .i vy cusku lu .u'u cai mi gleki lo nu do na fengu .i ku'i mi pu xenru lo nu mi fliba tu'a do li'u .i sy jgari le xance be vy gi'e cusku lu na nabmi .i ro prenu cu so'i roi srera li'u
mi'emu'o
--