[Date Prev][Date Next][Thread Prev][Thread Next][Date Index][Thread Index]

Re: [lojban] lo lisri pe la .norman. zi'e pe lo si'o nunjikca lisri

la ŭakci di'e pu ciska

       ni'o la .norman. cikybi'o zai lo ri kumfa .i lo nunji'e cu tolzdi
— sei ny. peisku .i ro nu cikco'a cu nu lo fanza jubmyjunla cu se sance
lo jai fanza kei du'o .i lu na srana .i lo sluji be fi mi cu xamgu li'u
se skuna
        ni'o lo fadni dai kumfa cu se pagbu so'i lo cukta .i lo ny.
bruna ky pu zu xabju je cu culgau te zu'e ke po'o lo nu no'a culno .i lu
bebna tcaci lo cabna cedra se kulnu li'u se skuna ke'u
        ni'o pa po'o cukta cu jai cizra ny .i sa'e lo se tcita be lu
fe ko ru'i ganlo li'u .i lo cerni cu se fasni lo ka jai ca catlu ri'oi
goi cy cukta .i lo ba'e cabna me lo go'i cu frica .i ny. kargau lo cukta
je cu xusra cusku lu cinri cai li'u .i lo se cukta cu lerfu lo na slabu
be ny ui nai dai
        ni'o lo nu tcidu cu se zunti lo nu vofli nerkla fa lo termakfa


[to'i .u'i sai toi]


.i ty fi ny. skuna fe
— lu do xo da se cinri li'u .i
— lu so'o .i .y xu banzu ua nai sai li'u te spuda
        .i ga je lo terspu gi lo nu lo flira be ny. cu cnisni ji'i no ka
se cinri cu jai mukti fi ty. lo me di'e .i
— lu zabna li'u .i ny. noi tceselcfipu cu spuda fi
— lu zabna do ma ma li'u .i


[to'i mi ji'a se cfipu .i lo ka zabna cu tersu'imei li ci toi]


— lu fa do fi lo ka ba lifri lo jai se djica .i ko condi pensi mau'a
da'i traji lo ka se djica do li'u se stidysku ty. noi se kanla lo pe'a talsa
        .i noi'a ju'o se snada ty. cu pensi tai nai lo prulamdei je lo
prulamdei be lo prulamdei be'o je ro purci djedi
[to'i .o'i drakono si sko'opu .i tai nai lo prulamdei ja su['o] purci djedi toi] 


[to'i ue se'i lo lisri cu clani binxo .i ku'i na srana .i ko jdice lo
du'u ny djica lo ka mo kau .iau .e'e .i gau ko lo lisri cu jmive toi]
[to'i xu lo drata be do cu se krali lo ka jmina fi lo lisri .i mi pu sruma lo du'u lo drata cu stidi po'o .i ku'i ca ti mi na'e birti .i mo toi]
[to'i pe'i la .norman. cu trajydji lo nu ri facki lo du'u ma kau ja'a je'a cinri ja'e lo nu co'u se tolzdi .i la .norman. so'i pi'i panono (to ba'u toi) da pu'i cipyzu'e lo ka zabna se zukte'obi .i ku'i no da prane lo ka mapti .i ju'o cu'i lo te makfa cu prije poi'a nu ri gasnu lo nu la .norman. ze'a lifri so'i tolcinri sai je ja'e bo cu .i'onmo ca lo nu di'a lifri lo pu roldei fasnu kei lo fadni .i ku'i .e'a su'o drata cu fasnu toi] 

~~~mi'e la selpa'i

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.