Re: [lojban] ti pemkarni fo do

[selpahi <seladwa@gmx.de>]

la .timoteios. pu ciska di'e noi pemci
> mulno gusni lunra.
> i ka'u le nu go'i cu selsmu pa cnino tolfa'o.
> i xu la'e di'u drani.
> i le mivru'e pu frili ca le nu mi mi'inkri.
> i le cinpampe'o be mi pu zi co'a pamje'i le ninmu.
> i ro prenu cu prami sa'u.
> i ji'a ro prenu cu djica le za'i djica ce'u.
> i co'a cinmo.
> i mi burna cai.
> i ki'u mi na kakne le nu tavla.
> i mi facki ma.a'o ru'e

mi ckire do lo ka benji lo pemci .i mi dainmo

.i .e'a pei mi cusku pa ja re jai nundragau ja pinka

> i le cinpampe'o be mi pu zi co'a pamje'i le ninmu.

zo ‹le› zo'u .ei pei mi djuno lo du'u ma kau ninmu gi'e te tavla .i ku'i 
ju'o cu'i lo nu ba'e *do* djuno cu banzu .i xu pu'i jdice fa ma'a lo 
du'u zo ‹le› mo kau

.i ta'o nai xu lo cinpampe'o be do pu cenba lo ka cinse[1] ma kau (to 
.e'a do na spusku toi)

> i ki'u mi na kakne le nu tavla.

do pu skudji ge'i «lu .i ku'i li'u» gi «lu .i ki'u bo li'u» gi ma .i «lu 
ki'u mi broda li'u» smuni simsa «lu mi krinu lo nu broda li'u»

.i ta'o lo nu cusku «lu kakne lo ka tavla li'u» cu fadni ca ku

.i meldri'a pemci .i ji'a spaji fa lo nu zo ‹lo› na pagbu lo pemci .i xu 
do rivbi tu'a la xorlo

~~~mi'e la solpa'i

---
[1]: zo ‹cinse› pe mi zo'u x1 gimste-zei-cinse zi'o x2 .i lo cinse cu 
ckaji lo se cinse

--
You received this message because you are subscribed to the Google Groups "lojban" group.
To unsubscribe from this group and stop receiving emails from it, send an email to lojban+unsubscribe@googlegroups.com.
To post to this group, send email to lojban@googlegroups.com.
Visit this group at https://groups.google.com/group/lojban.
For more options, visit https://groups.google.com/d/optout.