From spigot@xxxxxx.xxxx Tue Jun 22 15:19:50 1999
X-Digest-Num: 174
Message-ID: <44114.174.1028.959273824@eGroups.com>
Date: Tue, 22 Jun 1999 18:19:50 -0400 (EDT)
From: Spigot <spigot@xxxxxx.xxxx
Subject: a weirdo rant

this one is kinda strange. sorry for any typos. i'd offer an english
translation, but... i think it'd spoil the flavor.


.i blabi solji je xekri ranti bo bukpu .i lu ledo rasyjukpa pesxu flira
co'a vitke .itu'ibo le mentu be li pano cu niltei di'u lenu do co'a vitke
li'u ko'a selcku .i kanro binxo ba le ci djeci co vamtu je sedcro je tolvi'a
.i bikla sance lemi cutci co clani je xekri vi'a le loldi be lemi'a tcazda
.i panci lei sigja .e le mudri ctile .e lei pulce selsna .e lei rusko terku'u
.e lei snipa kerfa bumru .i lu ko na se litru lei cipni dargu li'u pu selcku
lemi mamta .i mi ca saldzu la pimvoi mo'izo'a lei salpo ctino befi lei dargu
tergu'i .e le navni poi ke'a se minra lei jacysfe koi lei xrula zarci .e
le djazai befi la abid. be'o .e lei larzai .e lei marnazai .e lei ckuzai
.i sutra sakci le sigja danmo

ni'o ne'iku lei bancu zirpu cu gusni lei pulce befi lei xutla silka .e
lei matli .e lei sunka .e lei skapi .e lei draci taxfu .i jirna bo kerfa
fenki bo xanka ciblu bo pinxe cizra bo cinse gletu bo djica ckule bo nixli
.i ropno melbi bo nanla .i jitfa tavla .i prami bo sisku xebni bo zukte
.i pinca bo birje .i renvi lenu sutra xukmi selzgi bo remna poi minde krixa
sezu'e mi'a poi citno je cortu bo desku fi'o zgike le jbari sakta
.i le segi'o bilma xrani mi'a leka censa badri draci sepi'o le cnino co
cando blabi verba broda .i cumki fa lenu mi'a casnu le fengu catra
.i so'uroiku mi'a casnu le xamgu purci temci poi cabna lenu le zgike
cu citno

ni'o paroiku mi tunlo le tsali broda .o'inai .ibabo leminu fadni kelci bo
gasnu cu binxo lenu runme terpa poi gundi krefu bo krefu dansu bo loldi
desku .ije lemi skapi cu cliva lemi bongu lei pelji danlu be sema'e lei
festi slasi bo kabri .i lemi xandegji jipno cu se sraku .i lemi pendo .uu
poi ctuca mi fo leka dansu be la dileit. bei pu'e lenu crepu lei grute
le curve tumla ku'o spaji catlu lei minra selpo'a poi krixa lu .ua.oi mi
mutce tolmle li'u pu'o lenu le sanga cu selsti .i .u'i pe'i da stapa le
dikca cilta .i mi .u'ecai le selzva cu tcecizra ca lenu cabycte 
.i mi cpedu fi la djordj. poi skapi stedu gi'e se tcini leka condi bo nenri
jecta bo datni bo cabra ku'o fe le zasti cipra .ije la dy. frati lu
.oiro'e pau do cpedu fi mi li'u .i la'edi'u ricfu .i la dy. ta'e cusku lu


ni'o mi nelci le tcecte vanbi be le manku je kitybli je navni selstu be
fi'o terzai lei curve xispo be fi'o selcta lei xalka je censa bo badri nixli
.i lei xy. ru'i smaji gunta bo bacru .ibaibo ri djica lenu ba'e gletu mi
sepi'o lei juptci .iku'i lei xy. snuji cu betri .isebaibo mi klama le
lamji gusta poi carmi gusni .i lei kandi je bilma flira skami bo nanla cu
xendo gunka .i lei ny. djica lenu ri selfu vecnu lei kukrai saktadja poi
tolkargurai .i le gusta pu friti lei rasyjukpa jupci .i mi ta'e kucli
le tcebra staku pinji poi puze'a canko zvati