From lojbab@xxxxxx.xxxx Mon Jul 19 18:18:17 1999
X-Digest-Num: 192
Message-ID: <44114.192.1068.959273824@eGroups.com>
Date: Mon, 19 Jul 1999 21:18:17 -0400
From: Bob LeChevalier-Logical Language Group <lojbab@xxxxxx.xxxx
Subject: Updated old Lojban drama la sinderelwyd (long)

Way back in 1989, the first Lojban class here in Virginia put on a play at
LogFest that Nora had put together in a few hours. With little time to
rehearse, and some truly incompetent stage management on my part, the
hilarious production that resulted is shown to mirthful LogFest
participants every year. 

This year, however, we had Nick Nicholas present. So after an all night
effot by Nick and Nora, I am able to present you with an updated version of
"la sinderelwyd." which is (we hope) correct and up to date in grammar and
vocabulary. In doing so, it takes its place as the longest piece of Lojban
text ever written and verified grammatical by parsing, at around 11K.

Comments are welcome. Enjoy. It will likely be up on the Lojban Web site
within a short while, with a bit more formatting using html.

More neat stuff out of LogFest will be coming.

la sindereluyd.
po'u la'e tu'o di'e draci fi la noras. lecevalier.
fu
la sindereluyd. ce
la paf. mamtyspen. ce
la pavber. ce
la relber. ce
la nolraitix. ce
lo nuzba krixa kuce
lo te lisri


.i pa mo'o
vi le zdani be la sindereluyd.
.i to'i la paf. toi: ju'i doi sindereluyd. ko cazi brulu'i le loldi
.i to'i la sindereluyd. toi: vi'o mamtyspen.
.i to'i pavber toi: doi paf. la relber. pu po'irgau lemi selkei
.i to'i relber toi: mi pu na po'irgau ri .i la pavber. pu kalsygau
lemi melbi kerfa
.i to'i pavber toi: .o'onai naku mi go'i
.i sei la pavber la relber darxi se'u
to'i relber toi: .oiro'o la pavber. pu darxi mi doi paf.
.i sei la relber la pavber tikpa se'u
.i to'i pavber toi: .oiro'o la relber. pu tikpa mi doi paf.
.i to'i paf. toi: ju'i doi sindereluyd. .o'onai .i .ianai do ba'o xu
brulu'i le loldi
.i ko jbikla
.i ko komnicygau le kerfa be la relber.
.ibabo ko cikre le selkei po la pavber.
.ibabo ko ba'o cai brulu'i le loldi
.i to'i sindereluyd. toi: vi'o mamtyspen.
.i sei se'irta'a se'u .uu lomi ni se bilga cu zenba


.i papimu mo'o
sei ca'o le nu le te lisri cu cusku da kei ko la'e da tigni se'u
.i to'i te lisri toi: ko'a goi la sindereluyd. komnicygau le kerfa be la
relber.
.ibabo ko'a cikre le selkei po la pavber.
.ibabo ko'a di'a brulu'i le loldi


.i re mo'o
.i sei lidnyzgi
.i sei le nu darxi le vorme cu se sance
.i sei la Paf. le vorme cu kalrygau
.i sei le nuzba krixa cu nerkla
.i to'i nuzba krixa toi: coi doi se zdani
.i ca'i le banli nolrai po'u la noltaj. mi cpedu lenu ro nanmu pe
vi le gugde ba
klama le la noltaj. nunsladansu
.i la nolraitix. poi tixnu be la noltaj. cu cuxna lera bavyspe leva zvati
.i ti pikta pi'o ro do
.i sei le nuzba krixa le pikta la paf. cu dunda
.i sei cliva
.i to'i pavber toi: .ui mi ba zvati le banli nunsladansu
.i to'i relber toi: .ui mi ba zvati le nunsalci
.i sei la relber. leri melbi .ianaise'i kerfa cu jgira satre se'u
.i mi ba mlerai leva zvati
.i to'i pavber toi: .o'onai naku do go'i .i mi ja'a go'i
.i to'i relber toi: .o'onai naku do go'i .i mi ja'a go'i
.i sei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.
.i to'i paf. toi: .e'o ko smaji doi zanbe'a be mi
.i le remei po'u do ba mlerai
.i .iacai le nolraiti'u ba cuxna pa do
.i to'i sindereluyd. toi: .ue mi ne pa'a do pu te cpedu
.i mi ba klama le nunsalci
.i to'i paf. toi: .o'onai na go'i .i do .ei ba stali ti gi'e gunka
.i mi mipypu'i ledo pikta
.i ko di'a brulu'i
sei la paf. pa pikta lo tergusni cu mipypu'i se'u


.i repimu mo'o
.i to'i te lisri toi: ni'o ca le nunsalci djedi le lanzu cu redgau pida'ari


.i ci mo'o
.i to'i pavber toi: la relber. pu malcpa lemi degja'i
.i to'i relber toi: mi na go'i .i la pavber. pu malcpa lemi kerfa dasri
.i to'i pavber toi: naku mi go'i
.i sei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.
.i to'i paf. toi: ju'i doi sindereluyd. ko cpacu le drata degja'i .e
le drata ke kerfa dasri
.i to'i sindereluyd. toi: vi'o mamtyspen.
.i sei la sindereluyd. le degja'i .e le dasri cu cpacu
.i sei le drata cu mo'u dasni
.i to'i pavber toi: mi bredi le nunsalci

.i to'i relber toi: ba'e mi bredi lenu se cuxna la nolraitix.
.i to'i pavber toi: naku do ba se cuxna la nolraitix. .i mi ba ja'a go'i
.i to'i relber toi: naku do go'i .i mi ja'a go'i
.i sei ca'o lenu le cimei cu cliva le zdani kei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.


.i cipimu mo'o
.i to'i te lisri toi: ni'o la sindereluyd. cu na selkansa
.i sei la ridrirni cu nerkla je mipri se'u
.i .ue .ianairu'e go'i


.i vo mo'o
.i to'i sindereluyd. toi: mi na selkansa .i naku .uu mi klama le
nunsalci
.i mi bilga lenu gunka
.i to'i ridrirni toi: coi. .elwyd. .i mi ridrirni do
.i to'i sindereluyd. toi: .ue
.i to'i ridrirni toi: .ai do ba klama le nunsalci .i mi sidju do
.i ko zgana
.i sei leinu la ridrirni cu makfa xancymuvdu kei le pikta mipystu no'u le ka'e
tergusni ca'a tergusnyri'a
.i sei la ridrirni le pikta cu cpacu
.i sei ry. boi py. la sindereluyd. cu dunda
.i do ca ponse le pikta
.i sei krefu nu makfa xancymuvdu se'u
.ije le selgunka ca mulno
.i to'i sindereluyd. toi: .ui .i mi ca kakne lenu klama le nunsalci
.i .y naku .uu mi ponse lo mapti taxfu
.i to'i ridrini toi: ko denpa
.i sei krefu nu makfa xancymuvdu
.i sei la ridrirni le dacru cu kalrygau
.i sei le dacru lo melbi taxfu cu vasru
.i mu'i lenu sy. zgana kei ry. le taxfu cu jgari jarco
.i ko zgana do le minra
.i to'i sindereluyd. toi: .ue le taxfu cu mutce melbi
.i to'i ridrirni toi: do ne pa'a cu mutce melbi .i .o'i ko se kajde
.i do bilga lenu cliva le nunsalci pu la parecac.
.i ca la parecac. ro ledo melbi taxfu ba binxo ledo mabla ke slabu taxfu
.i to'i sindereluyd. toi: mi ba morji doi ridrirni .i mi mutce ckire do
.i to'i ridrirni toi: .e'o ko klama gi'e lifri le pluka
.i to'i sindereluyd. toi: .aicai


.i vopimu mo'o
.i to'i te lisri toi: ni'o mi'o bazi zgana le nunsalci vi le nolraizda po
la noltaj.


.i mu mo'o
vi le nolraizda
.i to'i nolraitix. toi: mi xanka denpa tu'a lemi ba speni
.i sei la paf. .e le re bersa cu nerkla
.i to'i nuzba krixa toi: co'a zvati fa la paf. mamtyspen. noi
selkansa la pavber. .e la relber.
.i to'i nolraitix. toi: sei ny. le bersa cu degji farja'o se'u
.ue ta xajmi dasni
.i to'i pavber toi: sei mu'i lenu ny. se xlura kei py. le birka sluji
cu pulgau se'u
coi nolraiti'u .i mi tsarai
.i to'i relber toi: sei ry. le kerfa cu jgira satre se'u
coi nolraiti'u .i mi mlerai
.i to'i pavber toi: .o'onai naku do go'i .i mi ja'a go'i
.i to'i relber toi: .o'onai naku do go'i .i mi ja'a go'i
.i sei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.
.i to'i nolraitix. toi: coi vitke
.i sei se'irta'a se'u
.a'unai ti mabla se'icni
.i to'i pavber toi: sei py. boi ny. suksa jgari se'u
mi dansu co kansa do
.i to'i nolraitix toi: sei se'irta'a se'u
.oiro'o ti dansu co cpana lemi jamfu
.i to'i relber toi: sei ry. boi ny. suksa jgari se'u
mi dansu co kansa do
.i to'i nolraitix toi: sei se'irta'a se'u
.oi ti dansu co dukse le kamjbi
.i sei la .eluyd cu nerkla se'u
.i to'i nuzba krixa toi: co'a zvati fa la miprycmen.
.i to'i nolraitix. toi: .ue .ui ti mapti dasni
.i to'i .eluyd. toi: coi doi nolraiti'u. .i mi manci lesi'o rinsa do
.i to'i nolraitix. toi: coi. miprycmen. i do melbi cusku
.i to'i .eluyd. toi: .i ba'e do melbi .i .e'o xu do curmi lenu do dansu
co kansa mi
.i to'i nolraitix. toi: .ai .ui
.i sei la .eluyd. joi la nolraitix. cu melbi dansu se'u
.i to'i nolraitix. toi: sei se'irta'a se'u
.ui ti certu dansu
.i sei le junla lu'ela parecac. co'a se sance se'u
.i to'i .eluyd. toi: .ue ma tcika
.i to'i nolraitix. toi: la parecac.
.i to'i .eluyd. toi: .oi .i .uu .ei mi cazi cliva .i co'o doi se manci
.i sei la .eluyd cu bajra cliva
.i sei le la .eluyd befsri le vorme co'i rinju
.i sei la .eluyd mo'u cliva
.i sei le la .eluyd.befsri na mo'u cliva
.i sei .e'a le la .eluyd palku cu farlu
.i sei .e'a baku la .eluyd pu le nuncliva le palku cu laftygau
.i to'i nolraitix. toi: ju'i. miprycmen. .i do puzi cirko ledo befsri
.i ko denpa
.i sei ny. le nuzba krixa cu tavla se'u
.i ko sisku lepu dasni be ti .i mi minde la'edi'u
.i to'i nuzba krixa toi: vi'o nolraitix. .ga'inai
.i to'i la pavber joi la relber toi:
ju'i. nolraitix. ko catlu mi
.i to'i nolraitix. toi: .oi


.i mupimu mo'o
.i to'i te lisri toi: ni'o caki le bavlamdei vi le zdani be la sindereluyd.


.i xa mo'o vi le zdani be la sindereluyd.
.i sei la sindereluyd di'a brulu'i
.i sei lidnyzgi
.i sei vorme darxi
.i sei le nuzba krixa cu nerkla
.i to'i nuzba krixa toi: coi doi se zdani
.i ca'i le banli nolraiti'u po'u la nolraitix. mi cpedu lenu ro nanmu pe vi le
gugde ba troci co mapti levi befsri
.i la nolraitix. sisku lepu dasni be ti
.i la nolraitix. cu jdice ledu'u spebi'o rixici
.i to'i pavber toi: .ai mi troci pamoi .i mi kakne lenu dasni ta
.i to'i relber toi: na go'i .i mi ja'a go'i
.i sei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.
.i to'i nuzba krixa toi: mi ba troci co maptygau ro do .i ko jbikla
.i sei ko lepu'u le nuzba krixa cu troci co maptygau le befsri la pavber. noi
cinlydu'e cu zdile tigni
.i to'i pavber toi: xu mi mapti le befsri
.i to'i nuzba krixa toi: na go'i .iacai
.i sei ko lepu'u le nuzba krixa cu troci co maptygau le befsri la pavber. noi
planydu'e cu zdile tigni
.i to'i relber toi: .i'acai mi mapti le befsri
.i to'i nuzba krixa toi: na go'i .iacai
.i ju'i brulu'i ko jbikla mu'i lenu troci co mapti le befsri
.i to'i paf. toi: la sindereluyd. na mapti
.i ri na pu zvati le nunsalci
.i ko di'a brulu'i doi sindereluyd.
.i to'i nuzba krixa toi: la nolraitix. pu minde lenu ba'e ro nanmu
cu troci
.i ko jbikla doi brulu'i
.i sei le nuzba krixa lenu le befsri cu mapti la sindereluyd. cu troci
.i sei ja'a mapti
.i to'i nuzba krixa toi: .ue .ui do mapti
.i to'i sindereluyd. toi: .ia .i mi pu dasni le befsri ca le prulamdei
.i to'i nuzba krixa toi: ko klama la nolraitix. mu'i lenu spebi'o ri
.i to'i sindereluyd. toi: .ai .uicai


.i xapimu mo'o
.i sei la .eluyd .e la nolraitix. le trixe cu zvati
.i sei li'a di'a gleki simkansa
.i to'i te lisri toi: .i la .eluyd. spebi'o la nolraitix.
.i le remei bazize'u gleki ke kansa lifri
.i le drata cu mo
.i sei la paf. .e la pavber. .e la relber. la .eluyd. joi la nolraitix cu
sepli
.i sei nalgleki simlu
.i sei la pavber. la relber. darxi
.i to'i relber toi: .oiro'o la pavber. pu darxi mi doi paf.
.i sei la relber. la pavber. tikpa
.i to'i pavber toi: .oiro'o la relber. pu tikpa mi doi paf.
.i to'i paf. toi: .oiro'a .u'inai
fa'o



----
lojbab ***NOTE NEW ADDRESS*** lojbab@lojban.org
Bob LeChevalier, President, The Logical Language Group, Inc.
2904 Beau Lane, Fairfax VA 22031-1303 USA 703-385-0273
Artificial language Loglan/Lojban: 
see Lojban WWW Server: href=" http://xiron.pc.helsinki.fi/lojban/ "
Order _The Complete Lojban Language_ - see our Web pages or ask me.