From jjllambias@hotmail.com Fri Sep 20 20:10:42 2002 Return-Path: X-Sender: jjllambias@hotmail.com X-Apparently-To: lojban@yahoogroups.com Received: (EGP: mail-8_1_1_3); 21 Sep 2002 03:10:42 -0000 Received: (qmail 39112 invoked from network); 21 Sep 2002 03:10:41 -0000 Received: from unknown (66.218.66.218) by m15.grp.scd.yahoo.com with QMQP; 21 Sep 2002 03:10:41 -0000 Received: from unknown (HELO hotmail.com) (216.33.241.28) by mta3.grp.scd.yahoo.com with SMTP; 21 Sep 2002 03:10:41 -0000 Received: from mail pickup service by hotmail.com with Microsoft SMTPSVC; Fri, 20 Sep 2002 20:10:41 -0700 Received: from 200.69.6.10 by lw8fd.law8.hotmail.msn.com with HTTP; Sat, 21 Sep 2002 03:10:41 GMT To: lojban@yahoogroups.com Bcc: Subject: Le Petit Prince - IX Date: Sat, 21 Sep 2002 03:10:41 +0000 Mime-Version: 1.0 Content-Type: text/plain; format=flowed Message-ID: X-OriginalArrivalTime: 21 Sep 2002 03:10:41.0867 (UTC) FILETIME=[77EB19B0:01C2611C] From: "Jorge Llambias" X-Originating-IP: [200.69.6.10] X-Yahoo-Group-Post: member; u=6071566 X-Yahoo-Profile: jjllambias2000 ni'o pe'i ny se prali le nu cliva kei lo nu loi cilce cipni cu zdacne i ca le nuncliva cerni ny gasnu le nu le ny terdi cu mulno cnici i ny kurji derlumci lei cikna je'erma'a i ny ponse re je'erma'a noi cikna zi'e noi xamgu se pilno fi le nu glagau le cerni sanmi i ny ponse lo cando je'erma'a ku ji'a i ku'i cu'u ny zu'i noroi djuno iseki'ubo ny derlumci le cando je'erma'a ku ji'a i va'o le nu drani derlumci kei lo'e je'erma'a cu di'i tolvlile jelca secau le nu jetce i lo'e je'erma'a nu jetce cu simsa lo'e damtubnu fagri i li'a bu'u le mi'o terdi mi'o dukse le ka cmalu kei le nu ka'e terlumci lei je'erma'a iseki'ubo jy mutce le ka jai raktu mi'o ni'o ji'a ny vimcu fau le nu milxe badri kei lei romoi be lei tricrbaobabu co'arbanro i ny krici le du'u ny ba noroi xruti i ku'i ro le slabu se gunka cu simlu ca le zi cerni le ka mutce le ka titla i ca le nu ny le xrula rore'u jaursabji gi'e pu'o setca le blacygai kei ny sanji le nu djica le nu klaku -- i co'o --sei ny fi le xrula cusku ni'o ku'i xy na spusku -- i co'o --sei ny krefu cusku ni'o le xrula cu kafke i ku'i na se rinka le nu xy bilma -- i mi pu bebna --sei xy za cusku-- i ko mi fraxu i ko troci le nu do gleki ni'o ny se spaji le nu claxu lo'e nu vlasfa i ny stali fau le nu mulno se cfipu gi'e jgari le blacygai i ny na jimpe fi le vi tolvlile cando -- i je'u mi do prami --sei le xrula fi ny cusku-- i do pu djuno noda fi'o fuzme mi i nasai vajni i ku'i do mi dunli le ka bebna i ko troci le nu do gleki i ko toljgari le blacygai i mi na za'o djica tu'a by -- i ku'i lo'e brife y -- i mi na tai bilma i le nicte ke vifne vacri ba xamgu mi i mi xrula -- i ku'i lo'e danlu y -- i ei mi sarji reji'ici ciftoldi va'o le nu mi djica le nu se slabu lo'e toldi i ti'e tai melbi i va'onaiku ma mi ba vitke i do ba darno i lo'e barda danlu zo'u mi na terpa i mi se jgalu ni'o xy sapru'i jarco lei vo kinli ibabo xy jmina cusku di'e -- i oi ko na tai stali i do ba'o jdice le du'u do cliva i ko klama ni'o ki'ubo xy na djica le nu ny viska le nu xy klaku i xy tai jgira xrula ------------------------- mu'o mi'e xorxes _________________________________________________________________ MSN Photos is the easiest way to share and print your photos: http://photos.msn.com/support/worldwide.aspx