From jjllambias@hotmail.com Sat Jul 08 13:01:06 2000 Return-Path: Received: (qmail 22100 invoked from network); 8 Jul 2000 20:01:06 -0000 Received: from unknown (10.1.10.142) by m2.onelist.org with QMQP; 8 Jul 2000 20:01:06 -0000 Received: from unknown (HELO hotmail.com) (216.33.241.142) by mta1 with SMTP; 8 Jul 2000 20:01:06 -0000 Received: (qmail 34201 invoked by uid 0); 8 Jul 2000 20:01:05 -0000 Message-ID: <20000708200105.34200.qmail@hotmail.com> Received: from 200.42.152.211 by www.hotmail.com with HTTP; Sat, 08 Jul 2000 13:01:05 PDT X-Originating-IP: [200.42.152.211] To: lojban@egroups.com Subject: lisri pagbu vomoi Date: Sat, 08 Jul 2000 13:01:05 PDT Mime-Version: 1.0 Content-Type: text/plain; format=flowed From: "Jorge Llambias" i ni'o la melnak cu tsali darxi le bolci le skuaci skoterda'i i le bolci cu rapyplipe lo bitmu lo bitmu i la norman na snada le nu da'ispu i lu uo jinga li'u se bacru la melnak sekai le nu vasxu sutra voksa i la norman cu cusku lu do dejni le velvenfu nunkei mi i iacai le jalge ba frica ca le bavlamji krefu li'u i lei re nanmu cu cladu pedyda'a klama le lumstu i bu'u ly lei nanmu cu vimcu le taxfu gi'e se carvi lo glapu'a je surgau djacu i la norman cu pamoi lei cliva be le djacu i ny srugau le bukpu sudgautci le dizlo xadni gi'e zutse le clani ke mudri stizu i ny catlu la melnak noi za'o sezlu'i ni'a le farlu djacu ku'o gi'e presku lu xu stali fa le nu do ta'e vitke fi la pu'azda be la martat joi la karlag doi lunbe li'u i la melnak cu cmila gi'e spuda lu i na go'i i mi cnino nanmu i ba'o binxo lo vrude i ba za lo cacra be li me'ipa mi da penmi le la pedrot barja i la'a le ninmu du ba'e le prenu doi pendo li'u i lu u'i xu do so'ire'u traji prami i e'u ko na za'o na barkla le se carvi i do ba canci va'o le nu do do lumci daji'a li'u to ba di'a ranji toi co'o mi'e xorxes ________________________________________________________________________ Get Your Private, Free E-mail from MSN Hotmail at http://www.hotmail.com