From grey.havens@earthling.net Tue Aug 22 12:19:52 2000 Return-Path: Received: (qmail 2176 invoked from network); 22 Aug 2000 19:19:52 -0000 Received: from unknown (10.1.10.27) by m2.onelist.org with QMQP; 22 Aug 2000 19:19:52 -0000 Received: from unknown (HELO postfix2.free.fr) (212.27.32.74) by mta2 with SMTP; 22 Aug 2000 19:19:51 -0000 Received: from burp.n (paris11-nas3-45-197.dial.proxad.net [212.27.45.197]) by postfix2.free.fr (Postfix) with ESMTP id F0826740DF for ; Tue, 22 Aug 2000 21:19:38 +0200 (MEST) Date: Tue, 22 Aug 2000 21:02:24 +0200 (CET) X-Sender: elrond@burp.n To: Lojban List Subject: Style in dialogues/conversation/communication Message-ID: MIME-Version: 1.0 Content-Type: TEXT/PLAIN; charset=US-ASCII From: Elrond la'e di'e fasnu ca li 2000;08;15 ki .i mi de'a sipna ne'i le karce poi bevri mi'a mo'ine'u la za'e tailand to .i la'e zo mi'a cu lanzu mi joi le mi patfu kujoi le bruna be mi bei le mi mamta be'o goi ko'a kujoi le re bruna be mi bei le pampe'o be le mi patfu be'obe'o noi cifnu kujoi le bruna be le pampe'o be'o goi ko'e kujoi le speni be ko'e be'o goi ko'i kujoi ba'e la melanis goi ko'o noi tixnu be ko'e joi ko'i .i ko'e joi ko'i cu ia dukse xendo ko'o .i ko'o cu so'aroi to'e clite gi'e di'i to'e tinbe .i ue ko'o cu ca'o tarti le ka cifnu ku le za'i zvati la tailand ki'u ia kansa le re cifnu bruna be mi .i mu'a ko'o ji'idi'i pilno ge le fraso selbri bo valsi ginaiku'i lo terbri .i la'e di'u cu to'e fasybau drani toi .i mi de'a sipna .iki'u mi tirna le se bacru be ko'a .i ko'a cu cusku lu'e lu e'u ko pilno zo ko .a zo pe'u li'u .ije ko'o caca'o lausku lu'e lu dunda .i dunda .i dunda li'o li'u .ijebo ko'e .e ko'i cu za'ozu'u zukte ja cusku noda zu'unai ue .i mi menli cusku lu le vi selfri cu co'a se cinri li'u gi'e co'a jundi .i le te bradi goi fo'a noi cmalu je slasi bolci cu cmima la'i pokemon .i uecu'i ko'a pu lebna fo'a ko'o .ije za'a ko'o ca'o mutce cpedu .i ta'o fi le simsa fasnu cu so'eroi fapro ko'e .a ko'i ko'a .iku'i viku na go'i ta'onai .i ko'a cu ca'o troci ie io le zu'u ctuca fo le djica selbacru .isemu'i ko'a ca'o cpedu fi ko'o lu'e lu ko pilno zo pe'u .e zo ko li'u gi'e na dunda fo'a ca le pu'o drani selbacru be ko'o .iku'i uecu'i tu'a ko'o ranji ienai .ije le pu'u darlu cu ca'o zenba le ni cladu .i ko'a se nabmi le nu ko'o di'i cpedu fi le se rirni fo le mintu seri'a ko'e joi ko'i ca'o zenba le ni xanka .e le ni fengu .i na nandu fe ko'e joi ko'i fa le nu cpedu le pu'u drani bacru ku ko'o .iku'i uecu'i genai ko'e ginai ko'i cu djica le zu'o sfasa .ija'e no'omai ko'e cu krixa cusku fi ko'a lu'e lu o'onaisai ko dunda fi la melanis li'u .ibabo ca le pu'u menli cusku lu cirko li'u ku mi di'a sipna ni'o segu tu'a la melanis cu cinri gi mi ri'a la'e di'u cu kucli le du'u xukau le pu'u pilno lo te bridi fi le ka bangu dramau cu vajni va'o le pu'u ba'e jikyxau tavla fi la lojban (independently from the interest one may find in melanie's story, it makes me wonder whether or not it is important to specify bridi arguments in order to improve the language level in a context where socially "good" lojban speech is required. In other words, while a simple "broda" is a correct lojban bridi, would/should a VeryImportantPerson use this kind of sentences in very "serious" discussions ? -- this is not a grammar point, just wanting to clarify some stylistic issues) .i ma djica le zu'o pinka co'o mi'e rafael