Le mardi 28 juillet 2015 14:40:46 UTC, selpa'i a écrit :
ni'o mi'o nu'o jdice lo du'u ta'i ma kau lo cnino co'a cmima
.i .e'a ro da poi cusku lo sedu'u vo'a cmima djica kei fo lo dei mriste cu co'a cmima co zmiku
.i ca lo nu jdice da kei lo cmima cu da'i na'e spuda ze'a mu'a lo masti be li ji'i pa .inaja ra noi cmima cu co'u cmima co zmiku vau .iepei
.i mi'o
nu'o jdice lo du'u xu kau lo jbobau ba ro pa mei lo bangu poi la kamni
cu pilno
.i ganai da'i curmi lo nu pilno zo lo'u .e zo zoi gi mi tugni
.i ji'a sai mi'o nu'o jdice lo du'u ta'i ma kau mi'o ba jdice
.i .iepei mu'a sarcu fa lo nu lo su'o pimu si'e be lo'i cmima be byfy cu tugni
ni'o mi djica lo nu mi'o casnu .i je mi djica lo nu mi'o jdice
ni'o ca'e mi stidi lo du'u ca lo nu djuno lo du'u ta'i ma kau jdice cu
ji'i pa moi lo se zukte be la kamni fa lo ka jdice su'o jai frili be fai
lo ka jdice .i mu'i bo va'o ku lo pa moi se zukte be la kamni ba se
snada .i .au lo tolfa'o cu nu snada .i da'i mupli lo jdice jai frili fa
ga lo srana be zo mabla je zo zabna vu'o poi cnino gi lo srana be lo
du'u tu'a zo ro na nibli tu'a zo su'o .i ku'i .ai mi'o kansi'u lo ka
jdice lo du'u ma kau ba pa moi se jdice
.ie xai noi remei cu vajni .i ji'a lo du'u xukau denpa bu cu se li'erla'i zo la .e zo doi roroi cu .ei se jdice
Le mardi 28 juillet 2015 14:58:47 UTC, la gleki a écrit :
e'u pilno no drata be lo jbobau ije ba'e ku'i fau lo nu casnu lo cukta pe mu'a lo nu lojbo ctuca cu nabmi gi'a fenki vau fa lo nu pilno no drata be lo jbobau
i mu'a cylyly glico cukta i lo glico valsi cu se pilno va'o tu'a cylyly i ja'o ei sitsku lo glico valsi
.i .ie ku'i lo nu bau lo lojbo cu casnu cylyly cu gaurtcini fi lo nu tamgau lo glico valsi lo lojbo