[bpfk] doi lo cmima be la kamni

[selpa'i <seladwa@gmx.de>]

ni'o la baupla fuzykamni ca kakne lo ka zukte lo se nitcu .i .e'e lo 
cabna cu jai ca snada fai mi'o ne la kamni lo ka gau ce'u lo cumki cu 
je'a fasnu ja'e lo xamgu be lo jbobau

ni'o ca'o cmima la kamni fa

> la .piièr. je
> la gleki je
> la durka je
> la .ilmen. je
> la .xorxes. je
> la xalbo je
> la .and. je
> la .guskant.

.i je ca'o jatna la kamni fa mi .i ku'i ko te cmene mi zo selpa'i

ni'o mi'o nu'o jdice lo du'u ta'i ma kau lo cnino co'a cmima .i mi'o 
nu'o jdice lo du'u xu kau lo jbobau ba ro pa mei lo bangu poi la kamni 
cu pilno .i ji'a sai mi'o nu'o jdice lo du'u ta'i ma kau mi'o ba jdice

ni'o mi djica lo nu mi'o casnu .i je mi djica lo nu mi'o jdice

ni'o ca'e mi stidi lo du'u ca lo nu djuno lo du'u ta'i ma kau jdice cu 
ji'i pa moi lo se zukte be la kamni fa lo ka jdice su'o jai frili be fai 
lo ka jdice .i mu'i bo va'o ku lo pa moi se zukte be la kamni ba se 
snada .i .au lo tolfa'o cu nu snada .i da'i mupli lo jdice jai frili fa 
ga lo srana be zo mabla je zo zabna vu'o poi cnino gi lo srana be lo 
du'u tu'a zo ro na nibli tu'a zo su'o .i ku'i .ai mi'o kansi'u lo ka 
jdice lo du'u ma kau ba pa moi se jdice

ni'o do ma jinvi .i do ma stidi .i .e'e doi ro cmima ko kansa

mi'e la selpa'i mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.