Le vendredi 5 février 2016 18:14:24 UTC, Ilmen a écrit :
ni'o sei kucli lo nu da'i jdice lo du'u la .peg. cu basti la .ĭak.
lo ka se ca'irselzau cu xamgu ma .i pe'i ge ba'e lo javni gunma .a
lo ro jufra poi gendra fi lo ca'irselzau gi nai lo bangu poi se
pilno fi lo ka zbasu lo gerna lanli tutci cu vajni
i la peg cu zmadu la .iak lo ka xamgu ma'i lo si'o vlipa lo nu ciksi lo gerna
i la peg cu curmi lo nu cimni zgana lo balvi lerpoi kei no'u la ynlimit.lukaxed
ija'ebo kakne lo nu ciksi lo vlatai noi na se ciksi la .iak gi'e na'e pavysmu se ciksi cylyly
i va'i la peg cu sarji lo nu pavysmu co ciksi lo stura be la lojban
i lo te xlali be fi la peg cu po'o nu nitcu lo mo'isro barda kei gi'e nu na'e kakne lo nu ciksi lo zoi zei stura sei la .iak cu ji'a go'i
ni'o se pi'o la .peg. noi gerna velski bangu cu kakne ge lo ka zbasu
lo ja'a sarxe be lo ca'irselzau gerna gi ku'i lo ka zbasu lo ba'e na
sarxe be ri .i pe'i .inda lo ka ca'irselzau ku fa ĭe nai pei ba'e lo
gerna velski vreji ge pe la .djavaskript.camxes. poi sarxe lo
ca'abna ca'irselzau gerna gi ba'e noi gendra fi la .peg.
i mi toltu'i fi lo du'u lo djavaskript zei pagbu be la'e di'e cu cmima lo ca'irselzau
i zoizoi
https://raw.githubusercontent.com/lojban/ilmentufa/gh-pages/camxes.js.peg
zoi
i je'u lo curve be lo ka me la peg cu na banzu lo nu finti lo genturfa'i
i ku'i mi jinvi lo du'u lo pagbu be mu'u lo zoi zei stura be'o noi drata la peg cu .ei zifre se jitro lo finti be lo genturfa'i gi'e .ei na'e rinju la djavaskript
ni'o sa'e da'i BPFK jdice lo du'u la .djavaskript.camxes. poi sarxe
lo ca'irselzau gerna cu poi'i BPFK kurji ke'a gi'e zukte fi lo nu
ke'a stodi lo ka sarxe lo ca'irselzau kei joi cu tinbe ro
ca'irselzau nu gerna cenba poi balvi
i mi na pante lo nu byfy kurji la .djavaskript.camxes.
i ku'i mi toltu'i lo nu su'o genturfa'i cu ca'irselzau
i va'i .ei di'e drani
i la .djavaskript.camxes. cu genturfa'i da lo ca'irselzau noi se ciska bau la peg
ni'o da'i na fanta lo nu ca su'o balvi su'o cnino gerna velski poi
gerna dunli lo ca'irselzau cu ca'irselzau BPFK fau lo nu jundi ge lo
nu dunli lo ca'irselzau lo ka ma kau gendra gi nai lo nu ma kau
gerna velski bangu to mu'a xu kau me la .peg. toi
i je'u lo te pruce be fi la .djavaskript.camxes. cu .ei sarxe lo ca'irselzau gerna
i ku'i xu sarcu fa lo nu xusra lo du'u lo go'i cu ca'irselzau kei kei lo nu baupla
i mi jinvi lo du'u na go'i
mu'o mi'e la guskant