Re: [bpfk] ma ka'e bridi

[guskant <gusni.kantu@gmail.com>]

Le samedi 6 février 2016 12:08:28 UTC, xorxes a écrit :

On Thu, Feb 4, 2016 at 9:58 AM, guskant <gusni...@gmail.com> wrote:

i .ieru'e pilno zo briju'a lo nu tavla fi lo jufra poi sinxa lo bridi 

i ku'i pe'i melbi fa lo nu pilno zo brisni joi zo selbrisni joi zo terbrisni vu'o noi se tamgau fi di'e

i tu'e

zo brisni zo'u

$x_1$ sinxa lo bridi be la'e $x_2$ bei la'e $x_3$

i $x_2$ selbrisni ije $x_3$ terbrisni i srana zo {bridi} e zo {sinxa}

i zo selbrisni zo'u

$x_1$ sinxa lo selbri be la'e $x_2$ bei la'e $x_3$

i $x_2$ brisni ije $x_3$ terbrisni i srana zo {se} e zo {bridi} e zo {sinxa}

i zo terbrisni zo'u

$x_1$ sinxa lo terbri be la'e $x_2$ bei la'e $x_3$

i $x_2$ selbrisni ije $x_3$ brisni i srana zo {te} e zo {bridi} e zo {sinxa}

tu'u

i lo ro do jinvi ma la'e di'u

mi na tsali jinvi .i ku'i vajni fa lo nu jundi lo du'u lo gerna stura poi ma'a ta'e te cmene zo selbri cu na se steci lo ka sinxa lo selbri ,i mu'a lo nenri be lo ka zei kei cu sinxa lo selbri .i ku'i cmima lo gerna stura poi se cmene zoi gy subsentence gy .i pau do stidi lo du'u ro da poi sinxa lo selbri cu selbrisni kei ji lo du'u lo gerna stura poi ma'a ta'e te cmene zo selbri cu co'e

i .enai 

i mu'a lu ce'u broda li'u cu .ei selbrisni gi'e nai brisni

i zo supsentens cu gerna tecyvla isemu'ibo lo lujvo noi mapti lo go'i cu ka'e drata lo logji tecyvla be mu'u zo brisni

i mu'a zo brisnitai cu ka'e sinxa la supsentens vau .iepei

i ku'i ta'oru'e su'a lo gerna pe la supsentens cu na'e melbi mi 

i la zasni gerna ne do cu .i'e vimcu lo go'i

i la zantufa ne mi cu ji'a go'i

mu'o mi'e la guskant

-- 
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.