Re: [bpfk] lo nu la .peg. zei gerna cu basti la .iak. zei gerna

2016-02-13 18:35 GMT+03:00 guskant <gusni.kantu@gmail.com>:

Le jeudi 11 février 2016 09:58:08 UTC, la gleki a écrit :

i na drani ma'i lo si'o gerna stura
i sa'e lo'u
ui mi broda
le'u
na simsa lu
lo'u ui mi broda le'u
li'u

i lo pamoi zo'u zo ui na galfi da
i lo remoi zo'u zo ui galfi zo lu vau i'enai

i lo romei cu simxu co dunli fi lo ka ui zei stura kei ni'i lo nu ma'oi LOhU vimcu lo se li'erla'i stura

i ta'o mi pu finti la altatufa i ri genturfa'i gi'e cupra lo simsa be zoi zoi.
[ui,mi,broda]
.zoi
e zoi zoi.
(lu,[ui,mi,broda],li'u)
.zoi

i li'a la altatufa cu nunxalbo genturfa'i i ku'i su'o va'e lo ka zmadu lo pu jai se stidi lo ka drani

i do nu'o jimpe fi lo smuni stura be la text
i sa'unai tu'e

i zu'u ma'i lo si'o gerna stura zo'u
lo su'a UI zei cmavo cu jorne lo pa li'erla'i valsi
mu'u lu
{{lu ui} {{broda} {i brode}} li'u} (to mupli xi pa toi)

li'u
ije lo UI zei cmavo poi lidne piro la text cu jorne no da
mu'u lu
{ui {{broda} {i brode}}} (to mupli xi re toi)
li'u

i ku'i va'o ku zo ui pagbu la text

i mu'a zoi zoi.

sumti_6 <- (ZO_clause free* / ZOI_clause free* / LOhU_clause free* / lerfu_string !MOI_clause BOI_elidible free* / LU_clause text LIhU_elidible free* / (LAhE_clause free* / NAhE_clause BO_clause free*) relative_clauses? sumti LUhU_elidible free* / KOhA_clause free* / LA_clause free* relative_clauses? CMEVLA_clause+ free* / (LA_clause / LE_clause) free* sumti_tail KU_elidible free* / li_clause)

.zoi

i za'adai la'o zoi.LU_clause.zoi ka'e sitsku pe'a la text

i da'i zo ui ka'e pagbu la text mi'u

i ku'i lo nu do stidi zo'u na go'i

i ki'u bo zo ui pagbu pe'a la'o zoi.LU_clause.zoi

i zu'unai ma'i lo si'o smuni stura zo'u
la'e lo su'a UI zei cmavo cu galfi la'e lo li'erla'i stura (to javni xi pa toi)
ije ku'i la'e lo UI zei cmavo poi lidne pi ro la text cu galfi la'e lo jufra pamoi be la text (to javni xi re toi)
mu'u lo nu la'e zo ui po'e la mupli xi re cu galfi la'e lu broda li'u

i lo javni xi pa cu nibli lo nu la'e zo ui po'e la mupli xi pa cu galfi la'e lu broda i brode li'u no'u la text sei zasni stura
i ku'i va'o lo nu lo javni xi re cu zmadu lo javni xi pa lo nu jdice lo smuni stura kei kei
la'e zo ui po'e la mupli xi pa cu galfi la'e lu broda li'u

i ko sanji lo nu :
ma'i lo si'o gerna stura kei zo ui po'e re mupli na jorne piro la text noi se lidne zo ui kei
e lo nu :
ma'i lo si'o smuni stura kei la'e zo ui po'e re mupli cu galfi la'e lo jufra pamoi be la text noi se lidne zo ui

tu'u

xu do jinvi lo du'u zo ui pe lu lu ui mi broda li'u li'u galfi zo lu

i ma tadji lo nu sitsku zo ui

i mi jinvi lo du'u sarcu falo nu zo ui pe lu lu ui mi broda li'u li'u pagbu la'o zoi.text.zoi. lu'u poi se pagbu lu mi broda li'u gi'e nai se pagbu lu lu ui mi broda li'u li'u

i ma krinu lo nu do na djica lo nu lo smuni stura cu simsa lo gerna stura

i mutce frili falo nu galfi lo javni

i la camxes cu sarxe lo ka ce'u ce'u panra kei po lo gerna stura joi lo smuni stura

i pe'i na sarcu fa lo nu ctuca lo nintadni fo lo tai bauske

i lo nintadni cu djica lo nu ri ka'e tavla fo lo bangu vau gi'e so'i roi na se cinri tu'a lo nu lo smuni stura cu frica lo gerna stura

i sa'e so'i da poi bangu zo'u ca lo nu lo prenu cu tavla fo da vau ri na pensi lo te frica be lo smuske bei lo gerna

i casnu lo nintadni mu'o

i e'u naku gau rinju fa lo nintadni lo to'e nutli sidbo be fi do lo nu zifre tadni

i mi stidi lo nu do'o lanli lo bynyfy. gerna pe la'e zoi zoi.https://lojban.github.io/cll/21/2/.zoi

i mi mutce nelci lo gerna ku mi'u
i mutce tordu
i na clani

i e'u ganai do nelci la peg gi do galfi lo by.ny.fy. gerna la .peg.
i e'u ganai do senpi tu'a lo pagbu be lo gerna gi do vimcu lo pagbu ku mi'u

i ku'i lo gerna poi la .masatos.peg. a la .camxes. pe la .camgusmis. cu cupra ke'a cu mutce pluja

i bynyfy na.e lo iak zei gerna ca ca'irselzau
i ji'a pe'i ro lo finti be la camxes pu ba'o lanli lo iak zei gerna
i rarna gi'e zabna vau fa lo nu lo iak zei gerna lo peg zei gerna cu frica lo ka te lanli kei e lo ka te pruce

i va'o lo nu ge so'o na'e bo do zanru lo nu la camxes zei gerna cu ca'irselzau
gi no na'e bo do tolzau lo nu la camxes zei gerna cu ca'irselzau keikei
do enai na'e bo do cu bilga lo nu finti lo peg zei gerna poi zabna fi do
i ba lo nu go'i kei ma'a ka'e cuxna pada lo re peg zei gerna
i ganai do na zukte lo se go'e gi ei ma'a cmicu'a fi po'o la javaskript zei camxes joi lo peg zei curve pagbu be la javaskript zei camxes

e'u vimcu lo jai se senpi pagbu

i na zabna fa lo nu lo ka'e na drani cu ca'irselzau

mi'e la guskant mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.