Le jeudi 19 novembre 2015 13:36:04 UTC, cirko a écrit :
coi kamni ja se kamni
.i la'a do ganse lo nu ca ku la xuncku cu jai se gunka fai lo ka
sarxygau ke'a lo jbobau pe lo cabna .i me lo pagbu be lo nu gunka kei
fa lo nu la xorlo cu se skicu .i pe'i ci cmavo poi ca na ca'irselzau
cu poi'i sarcu se ju xamgu lo bi'u nai nu skicu kei fa lo nu lo nu
pilno ke'a cu se curmi
ni'o pa mai zo su'oi jo'u zo ro'oi .i lo fadni nu baupli zo'u na ku lo
nu pilno lo go'i cu ba'e mutce lo ka cafne .i ku'i cizra da'i fa lo nu
lo bangu poi la xuncku zo'u skicu ke'a cu poi'i nandu fa lo ka pilno
ke'a lo ka smusku lo mu'a du'u na ku su'oi da casnu .i je lo nu pilno
lo brivla poi ka'e basti lo bi'u nai cmavo cu ka'e se jalge lo nu lo
tadni cu se cfipu sa'u
ni'o re mai zo poi'i .i mu'a .au skicu lu «loi mu bakni» li'u fo lo ka
smudu'i lu «lo poi'i lo se gunma be ke'a cu bakni gi'e mu mei» li'u .i
ki'u bo ia satcymau lo me lu «lo gunma be lo mu bakni» li'u moi (to
frili fa lo ka sanji lo du'u ma kau te frica kei kei va'o lo nu pilno
lo bartu ku'antora toi) .i ji'a .au pilno fi lo ka skicu lo vrici poi
nu dzistributi ku ne mu'u lu «lo poi'i so'i ke'a se tunba» li'u .i lo
nu da'i ga pilno zo ckaji gi su'o brivla za'u roi tu'a lo mupli cu se
cusku cu na'e melbi mi
ni'o li'a lo nu lo cmavo cu ca'irselzau cu se sarcu lo nu ri se skicu
xoi mansa .i ro lo ci cmavo cu poi'i lo sidbo pe ke'a cu sampu .i bo
ku'i ba'a zo poi'i zo'u na'e frili fa lo ka finti lo velski selsku poi
na zmadu lo'e ma'oste se liste lo ka lo du'u ma kau ce'u smuni cu to'e
li'armi .i ja'o mi ca retsku ca'e te zu'e lo nu ro ma'a djuno lo du'u
ma kau se jinvi lo drata be ri fi
mu'o
i mi zanru lo nu zo su'oi joi zo ro'oi .e zo poi'i cu ca'irselzau
ni'o ku'i va'o lo nu zo su'oi joi zo ro'oi cu ca'irselzau kei
zo no'oi po'u lu'e lo prurale nomei .enai lo cmavo be ma'oi NOhOI cu .au ca'irselzau ma'i lo si'o sarxe zo su'o joi zo ro joi zo no
to mu'a sitna la'o zoi
https://groups.google.com/d/msg/lojban/RAtE7Yk-dqw/ftf6xZ5B9NUJ
zoi toi
i ganai da'i zo no'oi po'u lu'e lo prurale nomei cu ca'irselzau gi kakne lo nu tamgau lu {lo no broda} li'u lo'u {no'oi da poi ke'a broda} le'u
to sitna la'o zoi
https://mw.lojban.org/papri/gadri:_an_unofficial_commentary_from_a_logical_point_of_view#Cannot_say_zero
zoi
i ku'i mi na'e stidi lo nu lo di'u nu tamgau cu .ei ca'irselzau
toi
i mi jimpe lo du'u ma'oi NOhOI cu xamgu lo se banjubu'o
i ku'i pe'i xauzma fa lo nu ma'oi NOI ka'e basti ma'oi NOhOI ta'i lo nu stika tu'a lo gerna mu'u la zasni gerna ne la xorxes ge'u .a la zantufa xi su'o pi so
to sitna la'o zoi
https://mw.lojban.org/papri/zasni_gerna_cenba_vreji#relative-clauses
http://guskant.github.io/gerna_cipra/zantufa-1.11.html
zoi
ni'o zo poi'i cu se tamgau fi ma
i .iepei mu'a lu
galfi lu'e lo bridi lo selbrisle .i x_1 sumti le bridi
li'u
mi'e la guskant mu'o jo'au zantufa xi papipapa