Re: [bpfk] lo nu ca'irzau lo so'o ca cipma'o

[selpahi <seladwa@gmx.de>]

la me zo'e pu skuna si cusku «lu
> coi kamni ja se kamni
>
> .i la'a do ganse lo nu ca ku la xuncku cu jai se gunka fai lo ka
> sarxygau ke'a lo jbobau pe lo cabna .i me lo pagbu be lo nu gunka kei
> fa lo nu la xorlo cu se skicu .i pe'i ci cmavo poi ca na ca'irselzau
> cu poi'i sarcu se ju xamgu lo bi'u nai nu skicu kei fa lo nu lo nu
> pilno ke'a cu se curmi
>
> ni'o pa mai zo su'oi jo'u zo ro'oi .i lo fadni nu baupli zo'u na ku lo
> nu pilno lo go'i cu ba'e mutce lo ka cafne .i ku'i cizra da'i fa lo nu
> lo bangu poi la xuncku zo'u skicu ke'a cu poi'i nandu fa lo ka pilno
> ke'a lo ka smusku lo mu'a du'u na ku su'oi da casnu .i je lo nu pilno
> lo brivla poi ka'e basti lo bi'u nai cmavo cu ka'e se jalge lo nu lo
> tadni cu se cfipu sa'u
li'u»

.i mi tugni do ro lo se xusra be do .i ku'i mi xanka lo nu da'i lo nu zo 
su'oi je zo ro'oi cipra tarmi cmavo cu cizra lo pa re'u tcidu .i la'a 
retsku «lu ki'u ma ge jicmu ku'antora gi se tarmi lo na'e jicmu tarmi 
li'u» (to ĭe ba'e *cumki* fa lo nu lo pa re'u tcidu na sanji lo si'o 
cipra tarmi kei je na ja'o retsku lo simsa .i ku'i ji'a lo dukti na to'e 
lakne toi)

.i zu'u nai ga cipra cmavo gi gau su'o da zo su'oi je zo ro'oi cu se 
basti su'o na'e ke cipra tarmi ke'e cmavo .i ku'i mi jimpe lo du'u na 
la'a frili fa lo ka gasnu lo nunbasti

.i «lu
> ni'o re mai zo poi'i .i mu'a .au skicu lu «loi mu bakni» li'u fo lo ka
> smudu'i lu «lo poi'i lo se gunma be ke'a cu bakni gi'e mu mei» li'u .i
> ki'u bo ia satcymau lo me lu «lo gunma be lo mu bakni» li'u moi (to
> frili fa lo ka sanji lo du'u ma kau te frica kei kei va'o lo nu pilno
> lo bartu ku'antora toi) .i ji'a .au pilno fi lo ka skicu lo vrici poi
> nu dzistributi ku ne mu'u lu «lo poi'i so'i ke'a se tunba» li'u .i lo
> nu da'i ga pilno zo ckaji gi su'o brivla za'u roi tu'a lo mupli cu se
> cusku cu na'e melbi mi
li'u»

.i la'a ro da djuno lo du'u mi neltce zo poi'i .i ĭe plixau fi ke ji'a 
lo nu skicu lo gadri kei je tu'a zo poi .i da'i mi na pante lo nu do ja 
su'o drata cu pilno zo poi'i lo ka ciksi

.i «lu
> ni'o li'a lo nu lo cmavo cu ca'irselzau cu se sarcu lo nu ri se skicu
> xoi mansa .i ro lo ci cmavo cu poi'i lo sidbo pe ke'a cu sampu .i bo
> ku'i ba'a zo poi'i zo'u na'e frili fa lo ka finti lo velski selsku poi
> na zmadu lo'e ma'oste se liste lo ka lo du'u ma kau ce'u smuni cu to'e
> li'armi .i ja'o mi ca retsku ca'e te zu'e lo nu ro ma'a djuno lo du'u
> ma kau se jinvi lo drata be ri fi
li'u»

.i lo plurale logji cu jai sarcu fai lo ka se ciksi kei ge va'o lo nu 
da'i zo su'oi je zo ro'oi ca'irselzau gi va'o lo nu da'i na ca'irselzau 
.i su'a lo sarcu zo'u lo du'u xu kau nandu cu na'o no'e vajni .i ku'i zo 
poi'i zo'u xu je'a nandu fa lo ka ciksi lo du'u ma kau smuni ri

~~~mi'e la selpa'i

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at https://groups.google.com/group/bpfk-list.
For more options, visit https://groups.google.com/d/optout.