|
coi ro do lo djedi be li ji'i vo re cu temci ti lo nu lo cmicu'a korbipe co'a gubni .i ze'u ku no da cnino cmicu'a .i .ai .e'u lanli lo cmicu'a jalge .i judri lo jalge papri fa la'e zoi .urli. https://docs.google.com/forms/d/1GS35gvOYm4rFIlToGwjHxiNtkzytyzmTS7qUChqOSOE/edit#responses .urli (to xu do ka'e cpacu lo se judri toi) ni'o za'a ze da spuda tu'a lo cmicu'a cpedu papri .i si'au re cmima be BPFK na pu pagzu'e (to la'a ju'o cu'i la .piĭer. jo'u la xalbo toi) • ni'o lo pa moi pagbu zo'u ro lo ze cmicu'a cu cu'uxna «lu ca'e ro'oi da poi jbobau gerna vreji gi'e se cmene lu se favgau li'u cu poi'i BPFK favgau je xagzengau ke'a gi'e gunka fi lo nu ge ke'a kaicfa gi'e ba bo stodi vau lo ka sarxe lo gerna be lo ca'irselzau jbobau ja'e lo nu ro da poi jufra zo'u lo nu xu kau da gendra cu mapti lo ca'irselzau gi ke'a tinbe ro cnino nu gerna cenba poi ca'irselzau li'u» .i je no da cu'uxna «lu ca'e no da poi jbobau gerna vreji cu poi'i BPFK favgau je xagzengau ke'a gi'e gunka fi lo nu ge ke'a kaicfa gi'e ba bo stodi vau lo ka sarxe lo gerna be lo ca'irselzau jbobau ja'e lo nu ro da poi jufra zo'u lo nu xu kau da gendra cu mapti lo ca'irselzau gi ke'a tinbe ro cnino nu gerna cenba poi ca'irselzau li'u» • ni'o lo re moi pagbu zo'u tu'e .i mu lo ze mei cu cu'uxna la curve .i no da cu'uxna la na'e curve .a la .ĭak. .i pa da cu'uxna BNF .i pa da cu'uxna su'o drata gi'e cusku «lu nilylakne gerna .i gunma lo gentufa .i tutci be lo nu merli lo pilji .e lo drata poi na srana lo mekso .i simsa la'o gy. AtomSpace .gy. li'u» tu'u • ni'o lo ci moi pagbu zo'u vo da cu'uxna «lu sa'e lo gerna pe zo zoi ku goi ko'a zo'u ro de poi me la se favgau gi'e poi'i ko'a na'e gendra fi ke'a ki'u lo nu lo gerna bangu pe de na vlipa lo ka skicu ko'a zo'u lo bi'u nai nu na gendra na ca'irselzau BPFK .i ro pagbu be lo gerna be'o poi drata ko'a cu jai ca'irselzau li'u» .i je ci da cu'uxna «lu sa'e ro de poi me la se favgau zo'u pi ro lo de gerna .e lo gerna pe zo zoi ku ji'a jai ca'irselzau BPFK li'u» .i je no da cu'uxna «lu sa'e ro de poi me la se favgau zo'u pi ro lo de gerna poi drata lo gerna pe zo zoi cu jai ca'irselzau BPFK .i lo gerna pe zo zoi na'e jai ca'irselzau BPFK ja'e lo mu'a nu lo nu xu kau lo gerna pe zo zoi cu gendra fi de na ca'irselzau BPFK li'u» • ni'o lo vo moi pagbu zo'u vo lo ze mei cu zanru tu'a «lu va'o lo nu la curve cu me la se favgau zo'u BPFK cu gubni nupre lo du'u lo PEGJS lanli tutci poi zmiku se zbasu fi la curve fau lo nu jmina lo .algoritma pe zo zoi ku'o cu si'a sarxe lo ca'irselzau jbobau gi'e poi'i ji'a lo gerna pe zo zoi cu gendra fi ke'a tai lo sarxe be lo ca'irselzau li'u» • ni'o lo mu moi pagbu zo'u vo lo ze mei cu zanru tu'a «lu BPFK kajde fi lo du'u ki'u lo jai se ruble be PEG mu'a ku noi lo nu na kakne tu'a la ka zunle krefu ku no'u la'o gy. left recursion .gy cu mupli zo'u ka'e ku na ku ro da poi jbobau jufra gi'e gendra fi lo ca'irselzau zo'u lo tricu cartu be lo stura be da ku ku poi la se favgau cu cupra cu mulno lo ka mapti lo smuni stura pe da li'u» • ni'o lo ro xa moi pagbu zo'u «lu na ku BPFK nupre lo du'u ba'e ca lo nu da'i BPFK mo'u co'a ca'irzau lo dei prosa cu prane fa la se favgau lo ka sarxe lo gerna be lo ca'irselzau jbobau li'u» zo'u xa lo ze mei cu zanru .i je pa ri tolzau no'i .e'o do dragau va'o lo nu da'i do ganse su'o nu mi kanji srera mi'e la .ilmen. mu'o ni'o pu za lo djedi be li 42 la .ilmen. di'e cusku .ai mi za'u re'u dunda lo judri -- You received this message because you are subscribed to the Google Groups "BPFK" group. To unsubscribe from this group and stop receiving emails from it, send an email to bpfk-list+unsubscribe@googlegroups.com. To post to this group, send email to bpfk-list@googlegroups.com. Visit this group at https://groups.google.com/group/bpfk-list. For more options, visit https://groups.google.com/d/optout. |