jo'au zantufa xi papipa
Le jeudi 17 décembre 2015 16:01:59 UTC, la gleki a écrit :i cylyly e lo papri pe lo purci uitki zi'e noi zoi zoi.tiki.lojban.org.zoi cu judri ke'a cu se pagbu zoi gy.Lojban is designed to be culturally neutral..gy. goi ko'ai ku'i mi pu vimcu ri lo ralju papri pe lo cabna uitki noi zoi zoi.mw.lojban.org.zoi judrii u'u mi ca na morji lo du'u makau pu pante lo nu la lojban cu kulnu nutlii do jinvi ma i xu sarcu lo nu ko'a pagbu lo ralju papri pe lo cabna uitkii ji'a ta'o ni'i ma la lojban cu kulnu nutli i ba'anai lo pamoi vlaste pu se jicmu lo liste pe la'oi zoi.Eaton.zoi zi'e noi li'ase'i na kulnu nutli
i lo nabmi cu remei
i pamai du'u xukau ca tu'a lo remoi be cylyly lu'u ji'a ko'a cu ca'irselzau
i remai du'u xukau ko'a mapti lo ralju papri be tedi'o la lojban.org lo ka zvati
i lo pamoi cu mapti byfy lo ka se casnu
i lo remoi cu mapti lo mriste ralju lo ka se casnu
i lo pamoi zo'u pe'i ko'a no'e satci fi lo ka se smuni lo fatci
i mu'a so'oroi ku da cusku lo se du'u lo gimste cu no'e kulnu nutli
i mi tugni fi la'e lo se go'i
i ku'i lo gismu cu se finti sepi'o lo algoritma no'u lo vopi'epavomoi be lo ckupau be cylyly
i lo nu go'i cu se zukte fi lo nu nutli
i mi smadi lo du'u lo pu finti be la lojban cu troci lo nu la lojban cu rauva'e lo ka nutli
i ku'i so'o ma'a jinvi lo du'u la'e di'u no'e se snada
i pe'i ma'a kakne lo nu lo nu troci cu ranji lo balvi ji'a
i mu'a ma'a kakne lo nu ma'a casnu zo ponjo e zo bambu e zo la'oi
i ja'o e'u galfi ko'a zoi gy Lojban is designed aiming at being neutral between cultures. gy