Re: [bpfk] lo nu broda ba brode

[Ilmen <ilmen.pokebip@gmail.com>]

na ku mi mutce lo ka nelci lo si'o selbritcita .i ku'i pe'a lo ri genja 
cu kuspe su'o condi dukse pe lo jbobau .i va'o lo nu da'i nai lo si'o 
selbritcita cu pagbu lo kernelo be lo jbobau cu xagmau pe'i fa lo nu «lu 
lo nu broda ba brode li'u» sarxe «lu ba broda gi'e brode li'u» .i ja'o 
mi zanru lo nu BPFK ca'irzau lo nu lo se catni gerna cu cenba co co'a 
mapti la'e di'u

mi'e la .ilmen. mu'o

la selpahi pu ciska di'e
> sera'a «lu lo nu broda ba brode li'u»
>
> ni'o lo ca'irselzau gerna zo'u «lu lo nu broda ba brode li'u» smudu'i 
> «lu lo nu broda ba ku kei brode li'u» .i lo du'u go'i cu na'e zabna 
> su'o re da .i
>
> 1mai) cafne nunsrera (to mu'a 
> https://mw.lojban.org/papri/tense/modal_is_not_equivalent_to_cu_gotcha 
> toi) .i ku'i ji'a:
>
> 2mai) logji cizra fi lo ka na sarxe lo fasnu pe «lu mi ba broda gi'e 
> brode li'u» noi ba'e *na* smudu'i «lu mi ba ku broda gi'e brode li'u»
>
> ni'o ĭe lo du'u na sanji lo javni gi'e ja'e bo srera tu'a ri na nibli 
> lo du'u lo javni cu mabla .i ku'i cumki fa lo nu srera ki'u lo nu lo 
> javni cu tolsarxe su'o drata javni poi slabu .i pe'i lo go'i cu fasnu 
> .i je mi stidi lo du'u gau ma'a lo gerna cu cenba ja'e lo nu ro da poi 
> nu lo sumtcita poi lidne lo selbri cu ba'e *na* snipa lo selbri zo'u 
> ga nai djica da gi nitcu lo ka cusku zo ku .i jalge fa lo nu «lu lo nu 
> broda ba brode li'u» jo'u «lu mi ba broda gi'e brode li'u» cu 
> sarxysi'u noi xamgu ĭa
>
> ni'o mi zgana lo nu so'i da poi jbopre je poi ja'a sanji lo bi'u nai 
> javni cu cuxna lo ka tolju'i ri kei mu'i lo nu da jinvi lo du'u mabla 
> javni .i lo nu gau cenba fa lo gerna na ba se jalge lo nu so'i pu se 
> cusku co'u drani .i ku'i ja'a go'i lo nu so'i ca ja pu naldra co'a 
> drani kei je lo nu zo cu jdika lo ka ca xo kau da lo nu cusku ce'u cu 
> sarcu
>
> ni'o .e'e casnu
>
> mi'e la selpa'i mu'o

--
You received this message because you are subscribed to the Google Groups "BPFK" group.
To unsubscribe from this group and stop receiving emails from it, send an email to bpfk-list+unsubscribe@googlegroups.com.
To post to this group, send email to bpfk-list@googlegroups.com.
Visit this group at http://groups.google.com/group/bpfk-list.
For more options, visit https://groups.google.com/d/optout.