jo'au zantufa_1.1
ni'o lo si'o opservative cu na sai srana zo za'a
i zu'u zo za'a cu se cusku tezu'e lo nu lo cusku cu jungau lo te cusku lo du'u lo cusku cu ganse da
i zu'unai lo si'o opservative cu sidbo lo nu frati kei lo cusku
i sa'unai la ku'ain ca lo nu pensi lo si'o opservative cu te sidbo lo nu fanva fo da poi na slabu
i ce'o ky jinvi lo ji'a du'u ro da poi cmene cu ka'e se basti de poi selbri to mu'a zo pegasus toi kei
e lo ji'a du'u lo ka zvati cu du lo ka se datnyvau
i pi ro la'e di'u cu jicmu la lojban
i lo du'u xokau va'e fa lo du'u la lojban la ku'ain cu srana cu puzu te tavla loi pijyske mi lo banjupunu to zoizoi https://www.youtube.com/watch?v=lzqhNYCWKLo zoi toi
i mi pu tavla ji'a fi lo du'u lo finti be la loglan a la lojban cu na'e rau va'e co jimpe fi lo pijyske po la ku'ain
i ku'i mi jinvi lo du'u ganai da'i lo ve ciksi be la lojban cu rau va'e co sarxe lo pijyske po la ku'ain gi frili fa lo nu lo jbotadni cu jimpe fi lo logji stura ne la lojban
ni'o za'a lo so'o se jbobau cu se cinri lo po'o si'o simsa lo rarbau gi'e se genturfa'i lo cabra kei enai lo si'o logji vu'o po'e la lojban
i e'a lo drata be mi cu cuxna lo nu la lojban cu tutci po'o lo nu lo remna joi lo minji cu tavla simxu kei gi'e cirko lo si'o logji
i va'o lo nu go'i kei mi cliva la lojban gi'e ku'i ka'e za'o jmive ka'ai la zantufa noi ru'i ralte lo si'o logji
i ku'i e'o co'u te cmene la lojban lu logji bangu li'u pe'u
mu'o mi'e la guskant