Le mardi 20 septembre 2016 14:03:28 UTC, Ilmen a écrit :
coi ro do
.i .e'u casnu zo ‹ri› fa ma'a
• https://mw.lojban.org/papri/BPFK_Section:_Anaphoric_Pro-sumti#cmavo:_ri_.28KOhA5.29
.i lo cacklu smuvelcki be zo ‹ri› cu nibli lo du'u zo ‹ri› krati
lo sumti poi se krati lo sumsni poi mulno gi'e traji lo ka lidne
jibni .i ru'a nibli lo du'u «lu xu lo ractu cu se viska la rijykre
doi ri (ku sa'a) li'u» zo'u zo ‹ri› krati lo ractu .e nai la
rijykre .i da'i sarcu fa lo nu gau ragve zo ‹ku› fa lo cmene
sumsni fi zo ‹ri› kei lo nu ri ja'a krati la rijykre ĭe pei
.i mi jo'u la solpa'i jo'u la ŭakci pu za lo jeftu be li so'u cu
casnu zo ‹ri› .i mi pu stidi lo du'u javni lo ka se krati zo ‹ri›
kei fa ba'e di'e
.i zo ‹ri› goi ko'i krati lo se krati be lo sumsni poi ge
ke'a traji lo ka lidne jibni ko'i gi ko'i na pagbu lo smuni
stura be ke'a
(to lo zifma'o ja zifyjufpau ka'e fulta pe'a lo midju be lo
sumsni fau nai lo nu pagbu lo smuni stura be ri .i mu'a «lu lo
pendo ŭa ku gleki li'u» zo'u zo ‹ŭa› na sarcu tu'a lo smuni pe
«lu lo pendo ku li'u» gi'e va'i na pinfu pe'a ri toi)
.i pe'i da'i mapti lo nu da'i smudra fa «lu jundi xu fa la
rijykre doi ri li'u» .e «lu ca lo cabdei mi penmi la rijykre (to
ri slabu xu do toi) li'u» .e lo simsa vu'o noi ke'a zo'u za'a dai
lo sumsni pe «lu la rijykre li'u» ca lo nu zo ‹ri› tolcanci cu
na'e mulno ki'u lo nu zo ‹ku› na zvati .i ŭa pei
.i .a'o lo mi se stidi cu jmifrili .i .e'o va'o lo nu na go'i cu
jungau mi fa do
no'i do'o ma jinvi
mu'o re'i mi'e la .ilmen.
jo'au zantufa xi papipaxa
i la'e lo zifyjufpau ka'eku je ke naroroi ke'e bartu lo ke smuni stura ke'e be lo vanbi lerpoi
i mu'a lu
lo nalzerfu'e ia cu se sfasa lo turni
li'u
cu se smuni lo du'u {
lo cusku cu krici lo du'u zu'i nalzerfu'e kei ije zu'i se sfasa lo turni noi jinvi lo du'u zu'i zerfu'e
}
i si'a lo cmene ka'e se jbini lo zifyjufpau
i mu'a lu
la da'i suzan ca mipri xabju la mo'i ga'u solri tedi'o la nu'orlins
li'u
ka'e se smuni lo du'u lo se cmene be lu da'i suzan li'u ca mipri xabju la mo'i ga'u solri tedi'o la nu'orlins
i va'i lo cusku cu ru'i te cmene zu'i lu da'i suzan li'u ije ku'i zu'i se cmene lo drata lo truci'e
i si'a lu la suzan da'i KU li'u co'e
i ji'a mu'a
lu ci'oi uak.uak do'u tumla li'u ja lu tumla ci'oi uak.uak li'u ka'e cmene lo zdile panka ja muzga ja drata to zoizoi
https://www.google.co.jp/search?q=わくわくランド
zoi i lu uak.uak li'u psikomim gi'e se smuni lo si'o zdile joi pacna joi gleki toi
i lo di'u mupli cu na romei lo ka'e lojbo jufra
i xu ro do djica lo nu fanta lo nu lo jbobau cu se pagbu lo di'u smuni stura
i ganai da'i go'i gi tu'e
zu'u lo nu lo se sinxa be zo ri cu lacri lo gerna stura cu na fanta lo nu lu lo nalzerfu'e ia KU li'u na smudu'i lu lo nalzerfu'e KU li'u
i zu'unai lo nu lo se sinxa be zo ri cu lacri lo smuni stura cu rinka lo nu lo lojbo jufra cu jdika lo ka vrici lo smuni stura
tu'u
i ganai da'i na go'a gi tu'e
zu'u lo nu lo se sinxa be zo ri cu lacri lo gerna stura cu na rinka lo nu ambigu
i zu'unai lo nu lo se sinxa be zo ri cu lacri lo smuni stura cu rinka lo nu lo se sinxa be zo ri cu ambigu
tu'u
i ja'o mi zmanei lo nu {
tedi'o lu xu lo ractu cu se viska la rijykre doi ri KU li'u zo'u
lu rijykre doi ri li'u cu cmene zu'i ije zo ri sinxa no da
}
i si'a mi zmanei lo nu {
tedi'o lu lo gerku cu nurgau lo mensi i lo mamta doi ri ku gleki li'u
zo ri sinxa lo mensi
ije tedi'o lu lo gerku cu nurgau lo mensi i lo mamta ku doi ri gleki li'u
zo ri sinxa lo mamta
}
i pei