Re: [jbosnu] ju'i xorxes ne lo djica

["Jorge Llambias" <jjllambias@hotmail.com>]

la xod cusku di'e

> > >mu'i ma do djica da gi'eku'i na troci tu'a da
> >
> > i mu'a mi lazni ija ge da de mleca le ka mi djica ce'u
> > ija mi na djuno le du'u mi troci makau ja'e le nu cpacu da
> > ija mi jinvi le du'u gu mi troci gi mi na ka'e snada
>
> pe'i menli bilma le ka dukse le kamlazni kei dada'o .iseni'ibo na racli

i pe'ipei mi menli bilma lazni i do na te pinka le ci drata
krinu be le nu na troci tu'a lo se djica

> > >.i la'e di'u xu racli
> >
> > i ka'e racli iku'iji'a le du'u na racli cu na nibli
> > le du'u fenki
>
> .i ca'e .i ku'i da fenki je racli .ija de na ke racli je fenki (.i li'a
> ganai de na prenu gi go'i)

i di'u jetnu to drata ke ruble se xusra toi i ku'i pau ckini
le mi'o se casnu ma

> > >.i le
> > >bi'unai selxu'a goi ko'a cu simlu le sampu .eju'ocu'i tu'a le kambebna 
> .i
> > >ku'i za'apei do ba'o natfe seni'i le du'u ko'a na ze'e ve'e jetnu
> >
> > i mi na jimpe le romei jufra
>
> tu'a le ma pagbu ba'o cfipu do

i pamai mi sruma le du'u do skudji zo tolxusra enai zo natfe
i remai pe'i le nu do pilno zo ba'o cu malglico
i cimai mi na birti le du'u ko'a du makau
i vomai da'i ko'a du'u roda rode zo'u ganai da racli gi'e djica de
gi da tu'a de troci i li'a le du'u ko'a na jetnu na nibli le du'u
mi tolxusra i ku'i le preti cu cizra

mu'o mi'e xorxes



_________________________________________________________________
MSN Photos is the easiest way to share and print your photos: 
http://photos.msn.com/support/worldwide.aspx