[lojban-beginners] Re: xorlo quanitifiers

[Michael Turniansky <mturniansky@gmail.com>]

On Mon, Jun 29, 2009 at 11:13 PM, Sam Bader<awesomeegghead@gmail.com> wrote:
> ki'e selckiku to .i'o mi pu djisku zo ku'i toi
> mi nanca li paxa seni'i lo nu mi ckule tadni ku gi'e nanmu gi'e xabju la
> nort.karolinas. .i mi cilre la lojban. mu'i lo nu ly. menli se zanfri .i lo
> nu mi ru'inai cilre .ui sepi'o la'o gy. Lojban for Beginners gy. .e la'o gy.
> The Lojban Reference Grammar gy. cu masti li ji'i ci .i teti'u la redjed. mi
> co'a gidva loi ji'i cimu pendo lo nu tadni la lojban. kei vi le crisa ginka
> poi mi zvati ku to ri du la'o ty. NC Governor's School ty. toi .iseki'ubo
> la'a lo nu mi reisku fi lo mriste cu ba cafne .uenai.ui
> ni'o mi ze'epu noroi tavla vi la .irc. ki'u lo nu mi ca masno lo nu jbobau
> tavla .i mu'a mi finti le pamoi samxa'a be do ze'a so'a lo pa cacra .iku'i
> .ui mi zenba lo ka stati .iseni'ibo ze'epu mi do na'e me la .irc. slabu
> .iku'i mi do co'e ba'o lo nu mi co'u tcidu la'o gy. The Lojban Reference
> Grammar gy.
> .i ta'onai .ua mi ca jimpe ki'e selckiku

coi semiul.

ni'o za'a lo tarmi be lo se ciska be do cu jibni lo prane .i .ue do pu
cilre lo so'emei co'i lo masti be li ci .u'e .o'adai .i  ko na xanka
lo ka masno kei lo nu cfari .i loi ka stura kei cukansa loi nu
rapcreze'a .i ko pilno la irk. gi'e gidva lo pendo be do .i ko te
preti .i lo tersitna be la mizyfrizl. zo'u tu'e .i ko se ke milxe
ckape .ibo ko srera .ibo ko binxo lo toljinsa  tu'u

           --gejyspa