Re: [lojban-beginners] la tomas. dotco

[Ilmen <ilmen.pokebip@gmail.com>]

ca lo cabdei la selpa'i di'e ciska
> de'i li 1284 bu'u la .xameln. pa nalfadni nanmu cu se viska .i dasni 
> lo taxfu poi skari so'i da ku'o gi'e xusra lo du'u ratcu kavbu kei 
> gi'e friti lo ka va'o lo nu pleji lo jdini cu gasnu lo nu ro smacu .e 
> ro ratcu cu cliva lo tcadu .i la .xameln. ca lo ca cedra cu malricfu 
> lo ka xo kau ratcu cu zvati ce'u .i je lo xabju be lo tcadu cu fliba 
> lo ka jitro .i se mu'i bo ra fitytu'i lo se friti be lo bi'u nai fange 
> nanmu
>
> .i lo tcadu xabju cu nupre lo ka pleji fi lo bi'u nai nanmu .i je lo 
> ratcu kavbu cu cpacu lo ri siltci gi'e gasnu lo nu lo togmo'a cu se 
> siclu .i ca bo lo ratcu .e lo smacu cu klama fi lo nenri be lo dinju 
> gi'e jmaji lo se zvati be lo nanmu .i ri ca lo nu jinvi lo du'u no 
> ratcu za'o nenri lo dinju cu cliva lo tcadu gi'e klama lo nenri be la 
> .vezer. (to sa'a rirxe toi) .i ro lo danlu cu jersi gi'e farlu lo 
> djacu gi'e mrobi'o .i ku'i lo tcadu xabju ca lo nu lo ratcu ba'o canci 
> cu xenru lo ka pu nupre ma kau kei gi'e na dunda su'o jdini lo bi'u 
> nai nanmu .i ja'e bo ri fengu gi'e cliva fau lo nu ri badri
>
> .i ku'i ca lo drata djedi ra xrukla fau lo nu dasni lo kalte taxfu .e 
> lo xunre mapku gi'e se flira lo jai terpyri'a kei gi'e gasnu ca lo nu 
> ro drata cu zvati lo marbi kei lo nu lo ra siltci cu siclu .i ba bo ca 
> lo ca krefu ge nai lo ratcu .e lo smacu gi lo verba (to lo nanla .e lo 
> nixli toi) poi so'i mei cu klama fa'a lo nanmu .i ri fau lo nu na co'u 
> siclu cu klagi'a lo verba pa'o lo tcadu vorme lo brama'a ku noi bu'u 
> ke'a lo nanmu .e lo verba cu canci .i 130 verba pu canci .i ri no roi 
> di'a se viska su'o drata

ŭa .i da poi panra lo bi'u nai lisri gi'e ku'i milxe co frica ri cu 
slabu mi gi'e sa'e sagypemci su'o slabu be mi .i te frica fa ra'u tu'a 
ge lo nu lo tcadu xabju cu poi'i ke'a fau lo nu ke'a ganse lo nu lo 
fange je prenu cu flani togmo'a gidva lo ratcu lo ka klama lo rirxe cu 
degyja'o gi'e ki'asku zo mafcre gi'e livgau lo fange prenu ta'i lo ka 
bidju renro gi lo nu ba ca lo pa nicte lo slabu ke flani togmo'a cu se 
tirna lo ro verba ja'e lo nu ri manku jersi gi'e ba bo farlu lo bi'u nai 
rirxe xoi simsa lo ratcu pe lo purci

ni'o .u'a mi pu na djuno lo du'u misno je dotco lisri

mi'e la .ilmen. mu'o

--
You received this message because you are subscribed to the Google Groups "Lojban Beginners" group.
To unsubscribe from this group and stop receiving emails from it, send an email to lojban-beginners+unsubscribe@googlegroups.com.
To post to this group, send email to lojban-beginners@googlegroups.com.
Visit this group at http://groups.google.com/group/lojban-beginners.
For more options, visit https://groups.google.com/d/optout.