[lojban-beginners] Translation exercise - Titan atmosphere life ingredients

[kfa@gmx.net]

sei zoi .url. http://www.space.com/scienceastronomy/saturn-moon-titan-atmosphere-life-
ingredients-101007.html .url. cu juxre troci se fanva la feliks. 

ni'oni'o .ua selcu'i lodu'u lo vacri be lo lunra be la satúrn. cu ralte lo selxre be lo 
jmive

sei fi'e la maik.uol. voi clafri teryro'a fo la'e ly. space.com ly. de'i li renopano pi'e 
pano pi'e ze ti'u li pamu pi'e bi veti'u sunmerdorca'u
sei le ti prosa cu cabgau de'i li pano pi'e ze ti'u li reno pi'e mu

no'i selcu'i lodu'u le bumru vacri be la titán. voi brarai lunra be la satúrn. cu ralte lo 
pluja tabno xumsle poi zbasu pagbu lo jmive tai se djuno .i lo cnino tadyselgu'a cu simlu 
go'i

no'i ne'i lo skeku'a lo skegu'a cu smigau lo cumki xukmi nunfra poi fasnu ga'usai ne'i le la 
titán. vacri voi ricfu be lo trano .i sy facki lodu'u lo vrici pluja xumsle be mu'u lo 
tranydrorelslami .a lo velnagjilka cu kakne lonu co'a zasti secau piso'i nu catke

no'i lu mi'a kakne lonu mulno gasnu be ti ne'i lo vacri li'u se cusku la saras.xorst. voi 
skepre gi'e multadypre pe le la .arizonas. balcu'e .i lu mi'a na nitcu lo litki djacu .i 
mi'a na nitcu lo dertu sefta .i mi'a jarco lodu'u selcu'i lonu zbasu be lo mutce pluja 
xumsle ne'i lo traji galtu canlu be lo vacri li'u

no'i lo xumsle poi pu se zbasu po le tersnada cu se cmima lei mu velnagjilka poi nenri lo 
jgina termifra po lo terdi jmive to la cytosín. ce la .adenín. ce la tymin. ce la gu,anín. 
ce la .uracíl. toi gi'e cmima lei re cmarai tranydrorelslami to la glycin. ce la .alynín. 
toi sei se cusku be lei skepre

no'i la xorst. cu jarco le selfa'i fau le cabdei to li pano pi'ez e toi nunpe'i be le le 
merko kesyske jikce'u ku plinyske paugri bei la pasadenas.kalifornias. 

ni'o lo pluja dumxu'i fi'o zvati la titán.

no'i le la titán. vacri cu rotsu gi'e ricfu lo trano tai vo'a po le terdi .i ku'i la titán. 
cu mutce lekmau .i lo ty sefta cu kelvo no'o ji'i li ni'u pazeso la celsius. to li ni'u 
resono la farynxeit. toi gi'e mutce dukse lenku lodu'u lo djacu cu litki .i le la titán. 
tcima ciste cu selcmu lo tabdrovonxu'i .i lo tabdrovonxu'i cu carvi gi'e zbasu lo litki 
lalxu

no'i le la titán. galtu vacri cu ponse ro lo selratni poi sarcu lo pluja cinri nunxumfra sei 
 se cusku be la xorst. bei lo datnyternoi ca le cabdei to li pano pi'e ze toi .i lo tcebra 
xumsle fi'o cizra krasi fe'u cu fulta ga'u vu .i so'o me le go'i cu ponse paki'o tabno ratni

no'i ji'a lo galtu vacri cu ponse lo kijno voi la'a klama fi lo tcebra bisli je'erjinto voi 
sputu fi le la titán. tunba lunra me'e la .encelydus. .ije vy damri lo solri seldi'e voi 
tsali fi lonu banzu be lonu porpi be fa lo xukmi selri'u gi'e gasnu lonu frati sei se cusku 
be la xorst.

no'i la xorst. .e lei ri kangu'a cu djica lonu viska lodu'u lo klesi be lo xumsle bei makau 
cu se cupra fi lonu xumfra tai ra keikeikei gi'e bregau lonu selfaktoi

ni'o lonu smijupfi'i la titán. ne'i lo skeku'a

no'i lei skegu'a cu jupfi'i lo lenku mixre be lo trano .e lo tabdrovonxu'i .e lo 
tabykijypavyxu'i voi naltce jibni lo la titán. galtu vacri ku'o ne'i lo xumfraku'a gi'e 
gasnu lonu vo'a se lindi lo cradyselsli seldi'e poi banzu be lonu porpi be fa lo tsali 
xumselri'u be lo trano

no'i lo cradyselsli seldi'e na satci fukpi lo solri seldi'e gi'eku'i mapti lo le bende ku 
seltcu cu'u la xorst.

no'i lu mutce se vajni lodu'u rau da nejni fi'o se snada fe'u lonu porpi ta selri'u sa'a be 
lo trano sei xy cusku se'u .i mi'a djuno ledu'u rau da nejni poi se snada lonu porpi ta 
selri'u cu zvati la titán. li'u

no'i lenu selfaktoi cu cupra lo gunma be lo pluja xumsle .i le bende cu junsanji lo ji'i 
renoki'o vrici klesi sepi'o lo teryratfai merli sei la xorst. cu cusku .i le ti namcu cu 
vasru lo tranydrorelslami .e lo velnagjilka .i .ua pamoi se fasnu lonu runpra be ti xumsle 
fau lo vacri smigau selfaktoi sepi'onai lo litki djacu sei lo skepre cu cusku

no'i le selfa'i cu cumgau lodu'u lo la titán. galtu vacri cu li'erji'e xumsle sorcu noi 
kakne lonu selfu be fi lopu'u co'a jmive cu'u lei skepre

no'i ji'a le selfa'i cu kakne lonu cnino tervi'a be lo ba'e terdi jmive .i selcu'i lodu'u lo 
prurai selxre be lo jmive poi se zvati le mi'o terdi cu pu se zatybi'o teka'a lo prurai 
bumru ga'u ne'i lo le terdi ku vacri seba'i lo prurai stasu

no'i ji'a le selfa'i cu jarco le du'u selcu'i lonu lanli lo ti pruce ne'i plini vanbi 
su'anai ne'i lo vacri po la titán. mu'i lonu snada lonu condi jimpe be fi lo xumske be ti 
sei lo skepre cu cusku

fa'o

-- 
You received this message because you are subscribed to the Google Groups "Lojban Beginners" group.
To post to this group, send email to lojban-beginners@googlegroups.com.
To unsubscribe from this group, send email to lojban-beginners+unsubscribe@googlegroups.com.
For more options, visit this group at http://groups.google.com/group/lojban-beginners?hl=en.