[lojban-beginners] Re: le tolcitrai calkyrespa caca'o morji

[Pierre Abbat <phma@phma.optus.nu>]

On Saturday 24 June 2006 02:29, Jonathan Derque wrote:
> .i le calkyrespa poi se cmene la .ariet. cu mrobi'o

Should be {se cmene zo .ariet.}.

Translating the article:

ni'o la .ariet. noi cakyrespa cu co'amro ca le pazemumoi

.i la .ariet. noi cakyrespa gi'e cmima le'i tolcitrai ke terju'o jmive ku'o cu 
co'amro ne'i la sralygug. zi le ra pazemumoi nanca .i le jatna dalmikce po'u 
la mic. djan. xanar. cu cusku le sedu'u la .ariet. noi cakyrespa la bard. 
GLApagos. pu co'amro ri'a le nu risna fliba kei pu le tordu nunbi'a kei la 
me .abubycy pe le sralo .i la xanar. cusku lu ko'a suksa ke risna fliba gi'e 
terckire je smaji mrobi'o ca'o le nicte li'u

ni'o ca le prulamna'a lei seljibri be la sralo mivdalmuzga noi se xabju 
la .ariet. ze'a le nanca be li paze cu salci le .abu pazemumoi jbedetnunsla

ni'o da krici ledu'u la .ariet. pu se tadni la tcarlz. daruin. no'u le brito 
rarskepre .i la daruin. bevri so'o citno cakyrespa be la bard. GLApagos. la 
london. ba le dy. nunlitru be xeka'a la bigl .i lo ginslami cipra cu stidi 
ledu'u le barda jmive cu jbena fi le 1830moi noi purci zi lo nanca be li so'u 
le nu la daruin. vitke la GLApagos. po'u le daplygri ca le 1835moi .iku'i 
la .ariet. cakyrespa lo frijutpau poi xabju lo daplu poi la daruin. noroi 
vitke ku po'o

ni'o ca le pazemumoi jbedetnunsla .abu ki'ogra li ji'i 150 gi'e simsa lo 
vacysai jubme lo nilbra .i .abu ralju trina sedi'o la sralo mivdalmuzga pe le 
solgu'i xaskoi be la kuinsland .i le kurji be .abu cu xusra ledu'u le ni .abu 
renvi cu jalge le nu nabmycau jmive

mu'omi'e .pier.