On Tue, Sep 10, 2002 at 10:17:12PM +0000, Jorge Llambias wrote:
> ni'o mi ze'u jmibi'o le du'u ny ba'o klama fi makau i le cmalu
> noltrube'a noi so'ida preti fi ke'a mi cu noroi simlu le ka jimpe
> fi lei memimoi i loi cunso se bacru valsi cu di'i jungau mi roda
> i taiku ca le nu nyboi pare'u sanji le mi vinji kei to mi na pirfi'i
> le mi vinji i le pixra cu dukse le ka pluja kei mi toi ny preti
> cusku di'e mi
>
> -- i le va dacti cu mo
>
> -- i ta na dacti i ta vofli i ta vinji i ta me le mi vinji
>
> i mi jgira le nu jungau ny le du'u mi vofli ibabo ny ki'asku di'e
>
> -- i ue do ba'o farlu fi le tsani
>
> -- i go'i sei mi cumla cusku
>
> -- i ua xajmi
>
> i le cmalu noltrube'a cu bacru lo gleki nu cmila noi mutce fanza
> mi i mi djica le nu zu'i junri lei mi malfunca ibabo ny jmina cusku
> di'e
tosa'a mi na birti djuno ledu'u makau tai smuni zo zu'i .i xu
la'e ri dunli le cmalu noltrube'a toi
> -- i ja'o do ji'a klama fi le tsani i ma terdi do
>
> i mi ze'i vismli lo guska'u le cizra pe le nu ny zvati i mi bikla
> terpreti
tosa'a ma te brivla zo vismli .i na jimpe toi
> -- i xu ja'o do klama fi lo drata terdi
>
> i ku'i ny na spuda i ny tolvlile se desku le stedu ca'o le nu
> catlu le mi vinji
>
> -- i je'u do na ka'e klama fi lo darno mutce fu ta
>
> i ny jinru lo ze'u se senva ibabo ny tolse'a le mi lanpanzi le ny
> daski gi'e sfubu lo nu manci catlu le ny dirba
tosa'a zo sfubu jai cfipu .i xu ny. lebna le vinji gi'e cliva
zo'o .i ma fasnu toi
> ni'o do se xanri le nu tai makau mi kucli gau le xadba selsku
> pe lei drata terdi i mi troci le nu djuno lo se jmina
tosa'a na jimpe tu'a lo'u makau le'u .i .e'uru'e lu djuno zenba
li'u zmadu lu lo se jmina li'u toi
> -- i do klama fi ma doi cmalu prenu i ma stuzi le do zdani i do
> djica le nu bevri le mi lanpanzi ma
>
> i ny spuda mi di'e ba lo pensi smaji
tosa'a .e'u lu ba le mu'e li'o li'u .e da .i mi na jimpe tu'a
lu ba lo pensi smaji li'u toi
> -- i xamgu fa le tanxe poi do ke'a mi dunda ku'o fi le nu ca
> lo'e nicte ty selfu le nu zdani ly
>
> -- i li'a i ji'a va'o le nu do clite kei mi ba dunda lo skori do tezu'e
> le nu ly jorne ca lo'e donri i go'i lo grana
>
> i le se xusra cu simlu le ka jenca le cmalu noltrube'a
>
> -- i xu jorne i ue xajmi sidbo
>
> -- i ku'i va'o le nu gau do ly na jorne kei ly ba klama makau gi'e
> ba farcri
>
> i le mi pendo cu za'ure'u bacru lo nu cmila
>
> -- i ku'i ly ka'e klama ma
>
> -- i makau i le sirji crane ly
tosa'a lu makau li'u jai cfipu mi .i xu do nitcu tu'a zo be tai
lu le sirji crane be ly. li'u toi
> ibabo le cmalu noltrube'a cu junri te pinka
>
> -- i na vajni i le mi zdani cu tai cmalu
>
> i fau le nu ju'ocu'i badri milxe cu jmina cusku di'e
>
> -- i fa'a le sirji crane zu'i na ka'e klama lo darno mutce
tosa'a pe'i le jai tai cusku be zo zu'i cu na drani .i mi ju'oru'e
jinvi ledu'u do bilga lenu cusku zo zo'e .i zo zu'i cu na srana
le ti lisri .i pau va'o lu zu'i ka'e klama lo darno mutce li'u
ma du la'e zo zu'i .i ru'a simsa lu lo'e klama li'u ni'i leza'i
piso'u le drata sumti cu co'e toi
mu'o
--
Jordan DeLong - fracture@allusion.net
lu zo'o loi censa bakni cu terzba le zaltapla poi xagrai li'u
sei la mark. tuen. cusku
Attachment:
pgp00114.pgp
Description: PGP signature