a weirdo rant [corrected]

[Spigot <spigot@xxxxxx.xxxx]

fixed my typos and cut-and-paste errors. there are a few parts i'm
unsure of, but i *think* it all makes sense... well, maybe not
*sense* per se...


.i blabi solji je xekri ranti bo bukpu .i lu ledo rasyjukpa pesxu flira
co'a vitke .itu'ibo le mentu be li pano cu niltei di'u lenu do co'a vitke
li'u ko'a selcku .i kanro binxo ba le ci djeci co vamtu je sedcro je
tolvi'a .i bikla sance lemi xekri tupcutci vi'a le loldi be lemi'a tcazda
.i panci lei sigja .e le mudri ctile .e lei pulce selsna .e lei rusko
terku'u .e lei snipa kerfa bumru .i lu ko na se litru lei cipni dargu li'u
pu selcku lemi mamta .i mi ca saldzu la pimvoi mo'izo'a lei salpo ctino
befi lei dargu tergu'i be'o .e le navni poi se minra lei jacysfe koi
lei xrula zarci .e le djazai befi la abid. be'o .e lei larzai .e lei
marnazai .e lei ckuzai .i sutra sakci le sigja danmo

.i ne'iku lei bancu zirpu cu gusni lei pulce befi lei xutla silka
.e lei matli .e lei sunla .e lei baknyskapi .e lei draci taxfu
.i jirna bo kerfa fenki bo xanka ciblu bo pinxe cizra bo cinse
gletu bo djica ckule bo nixli .i ropno melbi bo nanla .i jitfa tavla
.i prami bo sisku xebni bo zukte .i pinca bo birje .i renvi lenu sutra
xukmi selzgi bo remna poi minde krixa sezu'e mi'a poi citno je cortu bo
desku fi'o zgike le sakta jbari sanga .i le sego'i bilma xrani mi'a
leka censa badri draci sepi'o le cnino co cando blabi verba broda
.i cumki fa lenu mi'a casnu le fengu catra .i so'uroiku mi'a casnu
le xamgu purci temci poi cabna lenu le zgike cu citno

.i paroiku mi tunlo le tsali broda .o'inai .ibabo leminu fadni kelci bo
gasnu cu binxo lenu runme terpa poi gundi krefu bo krefu dansu bo loldi
desku .ije lemi skapi cu cliva lemi bongu lei pelji danlu be sema'e lei
festi slasi bo kabri .i lemi xandegji jipno cu se sraku .i lemi pendo .uu
poi pu ctuca mi fo leka dansu be la dileit. bei tai lenu crepu lei grute
le curve tumla ku'o spaji catlu lei minra selpo'a poi krixa lu .ua.oi mi
mutce tolmle li'u pu'o lenu le sanga cu selsti .i .u'i pe'i da pu stapa
le dikca cilta .i .u'ecai le selzva cu tcecizra ca lenu cabycte .i mi
cpedu fi la djordj. poi skapi stedu gi'e se tcini leka condi bo nenri
jecta bo datni bo cabra ku'o fe le zasti cipra .ije la dy. frati lu
.oiro'e pau do cpedu fi mi li'u .i la'edi'u ricfu .i la dy. ta'e cusku
lu mi na ponse le zdani .i mi na barkla ca lenu nicte .i mi nerkla li'u
.i .ionai.o'onai.o'unai.u'inai di'u

.i mi nelci le tcecte vanbi be le manku je kitybli je navni selstu be
fi'o terzai lei curve xispo poi catlu lei xalka je censa bo badri nixli
.i lei xy. ru'i smaji gunta bo bacru .ibaibo ri djica lenu ba'e gletu
mi sepi'o lei juptci .iku'i lei xy. snuji cu betri .isebaibo mi klama
le lamji gusta poi carmi selgu'i .i lei nanla poi kandi je bilma se flira
cu xendo gunka .i lei ny. djica lenu selfu vecnu lei kukrai saktadja poi
tolkargurai .i le gusta puza friti lei rasyjukpa jipci .i mi ta'e kucli
le tcebra staku pinji poi puze'a canko zvati