Re: rupnu

["Adam Raizen" <araizen@newmail.net>]

la xorxes cusku di'e

> i pe'i la jbonunsla pe li 2001;07 cu ze'e djedi li so'o

i xu la socrates ze'e nanmu i xu la socrates ca nanmu ijesi'a la
jbonunsla zu lo nanca be li panono cu djedi li so'o i xu le du'u la
socrates nanmu cu frica le du'u le du'u la socrates nanmu cu jetnu

> i si'a li vo ze'e sumji li re li re 

i mi na birti le du'u li vo ze'e sumji li re li re i ku'i va'o le nu
jetnu kei le se xusra cu srana le cmaci je logji gi'eja'ebo frica le
du'u xukau lo ka'e fasnu cu fasnu

> i le nu casnu le cabna be
> le nu djedi a le nu sumji cu cizra

i ku'i xu le nu djedi ca'a fasnu i va'o le nu go'i kei cu fasnu ca da
xu i ca ma i va'o le nu djedi li no a no da kei xu ca'a fasnu i pe'i
ka'e selpli fa le nu te sidbo le nu ro da poi fasnu zo'u le nu da
fasnu cu fasnu ca da

> >i ja'o le nu la jbonunsla
> >cu djedi li so'o cu djedi li so'o ije cu'u do du'o mi lo djedi be
li
> >so'o cu ni la jbonunsla cu clani i la'e di'u pamei lo'i cumki i
pe'i
> >xamgu va'o le nu ma'a bredi le nu zanru le se nibli po'u le nu lo
> >fasnu cu ni clani e le nu la jbonunsla cu ni jy clani
> 
> i oi xenru i ku'i pe'i mi za'o na bredi

i mi na ca se slabu lo drata cumki

> i lo nu clani ka'eru'e djedi li so'o i la'e di'u se smuni le du'u
> le clani cu cenba le ka clani

i ca le nu le clani na zasti kei cy na clani ji'a ije le nu clani na
fasnu

mu'o mi'e adam