[Date Prev][Date Next][Thread Prev][Thread Next][Date Index][Thread Index]

Re: [lojban] Re: rupnu


la adam cusku di'e


i xu la socrates ze'e nanmu i xu la socrates ca nanmu


i pe'i na go'i i ro nu nanmu cu se fanmo le nu mrobi'o
i ku'i la'e di'u ka'e te darlu i da ka'e jinvi le du'u
le nu nanmu na temci


ijesi'a la
jbonunsla zu lo nanca be li panono cu djedi li so'o


i pe'i si'anai go'i i le djedi enai le nu djedi cu se fanmo


i xu le du'u la
socrates nanmu cu frica le du'u le du'u la socrates nanmu cu jetnu


i ja'aru'e frica


> i si'a li vo ze'e sumji li re li re

i mi na birti le du'u li vo ze'e sumji li re li re


i go'ira'o i la'a le nu casnu lo temci na mapti lo nu sumji


i ku'i va'o le nu
jetnu kei le se xusra cu srana le cmaci je logji gi'eja'ebo frica le
du'u xukau lo ka'e fasnu cu fasnu


i su'o fasnu cu temci i su'o fasnu cu temcau


i ku'i xu le nu djedi ca'a fasnu


i pe'i go'i i va'o le nu da'i na go'i kei le nu djedi cu mo


i va'o le nu go'i kei cu fasnu ca da
xu


i na go'i i ge fasnu ginai cabna da


i ca ma


i ca zi'o


i va'o le nu djedi li no a no da kei xu ca'a fasnu


i mi ka'enai se xanri lo djedi be li no i so'i da cu djedi no de
i mu'a li pa cu djedi no di


i pe'i
ka'e selpli fa le nu te sidbo le nu ro da poi fasnu zo'u le nu da
fasnu cu fasnu ca da


i ju'ocu'i i mi na jinvi lo nalcenba la'e di'u

mu'o mi'e xorxes



_________________________________________________________________
Get your FREE download of MSN Explorer at http://explorer.msn.com/intl.asp