[lojban] Re: zo ninmu joi zo nanmu

["Daniel Brockman" <daniel@gointeractive.se>]

.u'u .oi sai mi na te mrilu lo la .xorxes. selmri .i .ua sai .ue sai mi 
cunso facki lo du'u la .xorxes. spuda mi ca lo nu mi sisku se pi'o la .gugl. 
lo ka vasru zo joi

.i ta'o nai mi spuda

> coi daniel
>
> > .i ta'o mi pu no roi cusku fo ti vau .o'u nai ro'u .ii ro'u
>
> i xamgu krefu be fi li pa

ki'e .ui

> > ni'o ta'o nai .ai mi casnu zo ninmu joi zo nanmu .i pe'i ri na banzu lo 
> > nu
> > satci skicu lo prenu .i sa'e mu'a so'o prenu cu no'e ninmu gi'e no'e 
> > nanmu
> > .i je mu'a cu'i so'o prenu cu je'a ninmu joi je'a nanmu .i mu'a nai sa'u 
> > da
> > ka'e ge ninmu gi nanmu
>
> .i ku'i do ja'a snada lo nu skicu lo tai prenu se pi'o zo ninmu joi zo 
> nanmu

.i .ie mi snada .i ku'i mi nitcu lo nu pilno so'i valsi

> > ni'o se ki'u bo mi stidi di'e .i lo ninmu ja nanmu cu ninmu ja nanmu ba'e 
> > da
> > poi selkai ge'u .i mu'a mi nanmu so'e da gi'u ku'i ninmu lo ka clani 
> > kerfa
> > ce'u .i ra'u mi nanmu .i ra'u nai mi ninmu so'u da .i so'a prenu cu ninmu 
> > je
> > nanmu
>
> .i ka'e cusku lu mi nanmu se kai lo ka clani kerfa li'u .a lu mi se kerfa
> lo clani tai lo ninmu li'u

.i .ie .i ku'i mi jinvi lo du'u na ka'e nanmu se kai zi'o .i se ni'i bo lo 
nanmu
cu .ei nanmu da

> > ni'o ta'o cinri fa lo du'u zo fetsi .e zo nakni cu xamgu .i sa'e lo fetsi 
> > be
> > lo remselda'u cu fetsi fi lo selkai .i na fetsi fi zi'o .i pe'i zo ninmu
> > ba'e zmadu lo ka nitcu lo selkai tergi'u be fi ce'u .i pe'i ru'e lo fetsi 
> > cu
> > fetsi fi zi'o .i ta'o mu'a xu mi fetsi to mi nakni nanmu toi
>
> .i mu'a su'o nanmu cu fetsi fi lo ka dasni

.i .ie .i pe'i ra .ei ba'e ninmu lo ka dasni

> > ni'o ba'u ju'o cu'i zo ninmu .e zo nanmu zo'u nitcu lo ci moi tergi'u poi
> > srana lo simsa be lo se melbi .a lo ve melbi .i mi na birti .i cumki fa 
> > lo
> > nu nitcu lo simsa be ge lo se melbi gi lo ve melbi .i mu'a to xlali mupli
> > .u'u toi mi nanmu lo ka sampla kei so'i da lo mi'o kulnu .i je ku'i lo
> > sampla ba'e na nanmu fo so'i kulnu .i lo nanmu cu tsali gi'e kalte .i 
> > ku'i
> > li'a fo lo drata kulnu fa lo kalte cu ninmu
> >
> > ni'o ma se jinvi do
>
> .i e'u ko pilno zo remnakni joi zo remfetsi lo nu cusku lo smuni
> poi do djica .i ji'a ka'e pilno zo ma'i lo nu jmina lo manri tergi'u

.i je'e .i ku'i ma smuni zo nanmu .e zo ninmu

.i pau lo se remnakpinji poi remfetsi fi so'a da cu nanmu ji ninmu

--
mu'o mi'e .daniel.



To unsubscribe from this list, send mail to lojban-list-request@lojban.org
with the subject unsubscribe, or go to http://www.lojban.org/lsg2/, or if
you're really stuck, send mail to secretary@lojban.org for help.