[lojban] lisri

["Jorge Llambias" <jjllambias@hotmail.com>]

i le ninmu ze'i catlu le ve minra be ny gi'e cisma gi'e
zutse lo galtu selvrecau bo stizu i le kerfa e le silka
pastu cu clani je xekri i ny jgari le sigvau lei molctebi
noi kandi xunre i le sigdanmo ga'ufa'a sirji le jelca
sigyfa'o le mokca be le nu preja lo kalsa i le se pensi
be ny darno i le temci ze'a simlu le ka de'a fasnu

i ni'o suksa savru ri'a le nu lo blaci kabri cu porpi kei
seri'a le nu le se pensi cu xruti le zvacabna i da krixa
zo mabla i ny cusku fa'a le krasi be lei sance lu ko ti
klama doi pedrot i ko mi ze'i kansa le nu pinxe lo vanju
i xu do jinvi le du'u ba fasnu ca le ca nicte li'u
i la pedrot tolcanci le ragve be le barja galjbu gi'e
punji lo kabri gy gi'e masno tisygau ky lo xunre vanju
i lu do terpreti ma le du'u xukau ri ba fasnu li'u

to ba di'a ranji toi

co'o mi'e xorxes


________________________________________________________________________
Get Your Private, Free E-mail from MSN Hotmail at http://www.hotmail.com


------------------------------------------------------------------------
Buy and sell used, rare and vintage gear at the Web's best
music gear auction. Register to enter the weekly gear giveaway!
http://click.egroups.com/1/3735/3/_/17627/_/958257878/
------------------------------------------------------------------------

To unsubscribe, send mail to lojban-unsubscribe@onelist.com