[lojban] lisri pagbu vomoi

["Jorge Llambias" <jjllambias@hotmail.com>]

i ni'o la melnak cu tsali darxi le bolci le skuaci skoterda'i
i le bolci cu rapyplipe lo bitmu lo bitmu i la norman na snada
le nu da'ispu i lu uo jinga li'u se bacru la melnak sekai
le nu vasxu sutra voksa i la norman cu cusku lu do dejni
le velvenfu nunkei mi i iacai le jalge ba frica ca le bavlamji
krefu li'u i lei re nanmu cu cladu pedyda'a klama le lumstu
i bu'u ly lei nanmu cu vimcu le taxfu gi'e se carvi lo glapu'a
je surgau djacu i la norman cu pamoi lei cliva be le djacu
i ny srugau le bukpu sudgautci le dizlo xadni gi'e zutse
le clani ke mudri stizu i ny catlu la melnak noi za'o sezlu'i
ni'a le farlu djacu ku'o gi'e presku lu xu stali fa le nu do
ta'e vitke fi la pu'azda be la martat joi la karlag doi lunbe
li'u i la melnak cu cmila gi'e spuda lu i na go'i i mi cnino
nanmu i ba'o binxo lo vrude i ba za lo cacra be li me'ipa mi
da penmi le la pedrot barja i la'a le ninmu du ba'e le prenu
doi pendo li'u i lu u'i xu do so'ire'u traji prami i e'u ko
na za'o na barkla le se carvi i do ba canci va'o le nu do do
lumci daji'a li'u

to ba di'a ranji toi

co'o mi'e xorxes

________________________________________________________________________
Get Your Private, Free E-mail from MSN Hotmail at http://www.hotmail.com


------------------------------------------------------------------------
Free, Unlimited Calls Anywhere!
Conference in the whole family on the same call.
Let the fights begin!  Visit Firetalk.com - Click below.
http://click.egroups.com/1/5476/4/_/17627/_/963086466/
------------------------------------------------------------------------

To unsubscribe, send mail to lojban-unsubscribe@onelist.com