Re: [lojban] Re: Le petit prince - III

["Jorge Llambias" <jjllambias@hotmail.com>]

la djorden cusku di'e

> > i le cmalu noltrube'a cu bacru lo gleki nu cmila noi mutce fanza
> > mi i mi djica le nu zu'i junri lei mi malfunca ibabo ny jmina cusku
> > di'e
>
>   tosa'a mi na birti djuno ledu'u makau tai smuni zo zu'i .i xu
>   la'e ri dunli le cmalu noltrube'a toi

i zo zu'i se smuni lu lo'e prenu li'u va'o di'u

> > -- i ja'o do ji'a klama fi le tsani i ma terdi do
> >
> > i mi ze'i vismli lo guska'u le cizra pe le nu ny zvati i mi bikla
> > terpreti
>
>   tosa'a ma te brivla zo vismli .i na jimpe toi

vismli: ko'a milxe le ka ce'u viska ko'e ko'i

i le cusku na jimpe fi le nu ny zvati noi cizra fasnu i le nu ny
zvati cu simsa lo'e manku le ka na frili fa le nu jimpe le du'u
makau fasnu kei ce'u i lei valsi pe ny cu stidi fi le cusku fe lo
sidbo be le nu ny zvati i lei valsi cu simsa lo'e gusni be lo'e
manku

> > i ny jinru lo ze'u se senva ibabo ny tolse'a le mi lanpanzi le ny
> > daski gi'e sfubu lo nu manci catlu le ny dirba
>
>   tosa'a zo sfubu jai cfipu .i xu ny. lebna le vinji gi'e cliva
>   zo'o .i ma fasnu toi

i pe'i lo'e nu sfubu lo fasnu cu frica lo'e nu sfubu lo stuzi
i lo'e xadni cu sfubu lo'e stuzi ije lo'e pruxi cu sfubu lo'e fasnu
i xu dukse le ka cfipu

> > ni'o do se xanri le nu tai makau mi kucli gau le xadba selsku
> > pe lei drata terdi i mi troci le nu djuno lo se jmina
>
>   tosa'a na jimpe tu'a lo'u makau le'u

i seni'ibo zo'o do ba'e na se xanri le nu tai makau le cusku cu
kucli i mi smadi le du'u le cusku cu kucli tai tu'a lo mutce

>   .i .e'uru'e lu djuno zenba
>   li'u zmadu lu lo se jmina li'u toi

i ie xamgu

> > i ny spuda mi di'e ba lo pensi smaji
>
>   tosa'a .e'u lu ba le mu'e li'o li'u .e da .i mi na jimpe tu'a
>   lu ba lo pensi smaji li'u toi

i lo fasnu ka'e smaji i ny spuda ba lo fasnu poi smaji

> > -- i ku'i ly ka'e klama ma
> >
> > -- i makau i le sirji crane ly
>
>   tosa'a lu makau li'u jai cfipu mi

i simsa lu lo'e se klama be ly li'u i ko na dunku i srana pa le
mi cizra steci

>   .i xu do nitcu tu'a zo be tai
>   lu le sirji crane be ly. li'u toi

i ie drani

> > -- i fa'a le sirji crane zu'i na ka'e klama lo darno mutce
>
>   tosa'a pe'i le jai tai cusku be zo zu'i cu na drani .i mi ju'oru'e
>   jinvi ledu'u do bilga lenu cusku zo zo'e .i zo zu'i cu na srana
>   le ti lisri .i pau va'o lu zu'i ka'e klama lo darno mutce li'u
>   ma du la'e zo zu'i .i ru'a simsa lu lo'e klama li'u ni'i leza'i
>   piso'u le drata sumti cu co'e toi

i ie lu lo'e klama li'u cu mapti zo zu'i i le selsku na srana lo
steci sumti i mi cipra pilno zo zu'i

mu'o mi'e xorxes



_________________________________________________________________
MSN Photos is the easiest way to share and print your photos: 
http://photos.msn.com/support/worldwide.aspx