lo djedi poi na za'o zasti

["sshiskom" <mathmaniac@hanmail.net>]

ni'o mi fanva lo pemci befi
la .alfred.lyrd.tenysyn.
fu di'e

ni'o lo kakyjau noi smucau zo'u
mi na jimpe le du'u sinxa makau
.i klama ra'i le su'o cevni tolpa'a
veka'a lo risna seka'a lo kanla
ca lenu catlu le selgei te critu je purdi
kei .e lenu pensi
lo djedi poi na za'o zasti

ni'o lo djedi zo'u vifne du'i le pamoi
be lo'i nenli'i poi gusni lo bloti
poi bevri lo mi'a pendo fo le nitmu'e
.i betri du'i le romoi be ra poi xunri'a da
poi canci fa'a ni'a lo xaskoi
.i mutce betri je vifne fa
lo djedi poi na za'o zasti

.i betri je cizra vetai
leka ce'u ca le manku je murse po lo crisa
cu liryrai lo'i selsa'a be lo cipni poi milxe cikna ku
tega'a lo kerlo be le caca'o morsi
ca lenu le canko cu snobi'o lo kandi kurfa ku
tega'a lo kanla be le caca'o morsi
.i mutce betri je cizra fa
lo djedi poi na za'o zasti

.i dirba du'i le nu cinba
poi se morji ze'aba le nu morsi
.i selgei du'i le nu cinba
mu'i le tolyla'e ke jitfa nunpa'i ku
fi lo ctebi be seva'u le drata
.i condi du'i le prami .e le pamoi be ri
gi'e cfipu ri'a le ro nunxe'u vau
.i .u'esai morsi jmive fa
lo djedi poi na za'o zasti