[lojban] Re: mi na zasti

[Jorge "Llambías" <jjllambias2000@yahoo.com.ar>]

la jexOm cusku di'e

> [Tout est rempli il n'y a plus d'espace.]
> 
> {.i roda cu culno .ije le canlu cu selfa'o}

pe'i lu le canlu cu selfa'o li'u se smuni lo du'u
le canlu na cimni i e'u lu no da za'o kunti li'u

> [Depuis longtemps je me suis fermé]
> 
> {caze'upu ku mi te ganlo fa mi}

lu mi te ganlo fa mi li'u mintu lu mi te ganlo li'u

i lo te ganlo na kakne lo nu pagre lo ganlo lo se ganlo
i zoi zoi by zoi pe le glico cu se cfipu i zoi zoi
passage by x3 zoi enai zoi zoi closed by x3 zoi se skudji

> [Ça me leste ça m'empêche de rester en surface]
> 
>   .i mi stidi lu
> {lenu go'i cu galfi mi leza'i mi tilju}
> li'u .i do jinvi ma

i pe'i na drani i lo galfi cu rinka lo nu lo se galfi
cu binxo lo te galfi i lo te galfi na tcini i lu mi
binxo lo tilju li'u enai lu mi binxo lo za'i mi 
tilju li'u

> [Depuis longtemps je suis invisible]
> 
> mi na djuno lo zoi fy invisible fy xe fanva
> {caze'upu ku mi se viska kakne noda}

http://www.lojban.org/jbovlaste/dict/selvisnalka'e
http://www.lojban.org/jbovlaste/dict/nonselji'u

lu mi se viska kakne noda li'u se smuni lo du'u
mi kakne no da i lu se viska li'u cu stika 
lu kakne li'u

> [Depuis toujours je suis mort]
> 
> jexom> ni'o puroroi mi morsi
> xorxes> lu puroroi ku li'u
> 
> {puroroi ku mi morsi}

pe'i lu ze'epu li'u matmau lu puroroi li'u
i pau lo nu mi morsi cu rapli li ro gi'i 
cimni clani pamei

> [Je suis ailleurs je ne suis pas là.]
> 
> jexom> .i mi bu'u da na'e vi .i mi na'e vi

mi zvati lo drata i mi na zvati ti 

> [Ce n'est rien, c'est tout.]
> 
> jexom> .i noda .i roda .a'ucu'i

e'u lu i nomei i romei li'u

mu'o mi'e xorxes



		
__________________________________
Do you Yahoo!?
Take Yahoo! Mail with you! Get it on your mobile phone.
http://mobile.yahoo.com/maildemo